कैसी रुकी हुई थी रवानी मिरी तरफ़
ठहरा हुआ था अपना ही पानी मिरी तरफ़
तहरीर में भी जो वो मिसाल अपनी आप है
पैग़ाम भेजता है ज़बानी मिरी तरफ़
पत्तों का रंग था कि हुआ और भी हरा
चलती रही हवा-ए-ख़िज़ानी मिरी तरफ़
है कोई आसमान में जिस की तरफ़ से रोज़
आती है एक याद-दहानी मिरी तरफ़
लफ़्ज़ों का बोझ रहता है सर पर शबाना रोज़
रहती है गुफ़्तुगू की गिरानी मिरी तरफ़
किरदार उस को ढूँडते फिरते हैं जा-ब-जा
गुम आ के हो गई है कहानी मिरी तरफ़
थे उस की दस्तरस में अजाइब तो बेश-तर
भेजी न उस ने कोई निशानी मिरी तरफ़
रहता है लफ़्ज़ लफ़्ज़ कोई शोर मुझ से दूर
करती है ज़ोर मौज-ए-मआ'नी मिरी तरफ़
जब कोई भी नहीं है तो फिर रात भर 'ज़फ़र'
होता है कौन आके बयानी मिरी तरफ़
kaisī rukī huī thī ravānī mirī taraf
Thahrā huā thā apnā hī paanī mirī taraf
tahrīr meñ bhī jo vo misāl apnī aap hai
paiġhām bhejtā hai zabānī mirī taraf
pattoñ kā rang thā ki huā aur bhī harā
chaltī rahī havā-e-ḳhizānī mirī taraf
hai koī āsmān meñ jis kī taraf se roz
aatī hai ek yād-dahānī mirī taraf
lafzoñ kā bojh rahtā hai sar par shabāna roz
rahtī hai guftugū kī girānī mirī taraf
kirdār us ko DhūñDte phirte haiñ jā-ba-jā
gum aa ke ho ga.ī hai kahānī mirī taraf
the us kī dastaras meñ ajā.ib to besh-tar
bhejī na us ne koī nishānī mirī taraf
rahtā hai lafz lafz koī shor mujh se duur
kartī hai zor mauj-e-ma.ānī mirī taraf
jab koī bhī nahīñ hai to phir raat bhar 'zafar'
hotā hai kaun aake bayānī mirī taraf
کیسی رکی ہوئی تھی روانی مری طرف
ٹھہرا ہوا تھا اپنا ہی پانی مری طرف
تحریر میں بھی جو وہ مثال اپنی آپ ہے
پیغام بھیجتا ہے زبانی مری طرف
پتوں کا رنگ تھا کہ ہوا اور بھی ہرا
چلتی رہی ہوائے خزانی مری طرف
ہے کوئی آسمان میں جس کی طرف سے روز
آتی ہے ایک یاد دہانی مری طرف
لفظوں کا بوجھ رہتا ہے سر پر شبانہ روز
رہتی ہے گفتگو کی گرانی مری طرف
کردار اس کو ڈھونڈتے پھرتے ہیں جا بجا
گم آ کے ہو گئی ہے کہانی مری طرف
تھے اس کی دسترس میں عجائب تو بیشتر
بھیجی نہ اس نے کوئی نشانی مری طرف
رہتا ہے لفظ لفظ کوئی شور مجھ سے دور
کرتی ہے زور موج معانی مری طرف
جب کوئی بھی نہیں ہے تو پھر رات بھر ظفرؔ
ہوتا ہے کون آکے بیانی مری طرف