कैसी कैसी बस्तियाँ दो दिन में वीराँ हो गईं
देखते ही देखते गर्द-ए-परेशाँ हो गईं
शग़्ल-ए-मय कब तक ये साक़ी आँखें झुक आएँ बहुत
रात भीगी और ज़ुल्फ़ें भी परेशाँ हो गईं
फिरती हैं आँखों में साक़ी शब की वो कैफ़िय्यतें
देखते ही देखते ख़्वाब-ए-परेशाँ हो गईं
ताक़त-ए-मजनूँ कुजा नज़्ज़ारा़-ए-लैली कुजा
पर्दा-ए-महमिल उठा और आँखें हैराँ हो गईं
अर्सा-ए-क़ैद-ए-हयात अब वहशियों पर तंग है
चार दीवार-ए-अनासिर मिल के ज़िंदाँ हो गईं
रास आई है न आएगी ज़माने की हवा
'यास' क्या क्या सोहबतें गर्द-ए-परेशाँ हो गईं
kaisī kaisī bastiyāñ do din meñ vīrāñ ho ga.iiñ
dekhte hī dekhte gard-e-pareshāñ ho ga.iiñ
shaġhl-e-mai kab tak ye saaqī āñkheñ jhuk aa.eñ bahut
raat bhīgī aur zulfeñ bhī pareshāñ ho ga.iiñ
phirtī haiñ āñkhoñ meñ saaqī shab kī vo kaifiyyateñ
dekhte hī dekhte ḳhvāb-e-pareshāñ ho ga.iiñ
tāqat-e-majnūñ kujā nazzāra-e-lailī kujā
parda-e-mahmil uThā aur āñkheñ hairāñ ho ga.iiñ
arsa-e-qaid-e-hayāt ab vahshiyoñ par tañg hai
chaar dīvār-e-anāsir mil ke zindāñ ho ga.iiñ
raas aa.ī hai na aa.egī zamāne kī havā
'yās' kyā kyā sohbateñ gard-e-pareshāñ ho ga.iiñ
کیسی کیسی بستیاں دو دن میں ویراں ہو گئیں
دیکھتے ہی دیکھتے گرد پریشاں ہو گئیں
شغل مے کب تک یہ ساقی آنکھیں جھک آئیں بہت
رات بھیگی اور زلفیں بھی پریشاں ہو گئیں
پھرتی ہیں آنکھوں میں ساقی شب کی وہ کیفیتیں
دیکھتے ہی دیکھتے خواب پریشاں ہو گئیں
طاقت مجنوں کجا نظارۂ لیلی کجا
پردۂ محمل اٹھا اور آنکھیں حیراں ہو گئیں
عرصۂ قید حیات اب وحشیوں پر تنگ ہے
چار دیوار عناصر مل کے زنداں ہو گئیں
راس آئی ہے نہ آئے گی زمانے کی ہوا
یاسؔ کیا کیا صحبتیں گرد پریشاں ہو گئیں