कैसे नज़र आए कहीं इम्कान हमारा
जब डोलता ही रहता है ईमान हमारा
नाकाम रहे हैं जो हमेशा की तरह हम
बदला है इरादा भी तो हर आन हमारा
पैग़ाम दिया फिर कभी ज़हमत न करें हम
और साथ ही भिजवा दिया सामान हमारा
हर बार हमारी ही डुबोता हुआ कश्ती
ये ज़ोर पकड़ता हुआ तूफ़ान हमारा
जो फ़ाएदा होना था उसी से हुए महरूम
कुछ इससे ज़ियादा नहीं नुक़्सान हमारा
कम होती गई अपनी तवज्जोह भी कुछ आख़िर
कुछ काम भी होता गया आसान हमारा
अपनी ही 'ज़फ़र' ख़ाक उड़ाते हैं शब-ओ-रोज़
हम पर भी हुआ तंग बयाबान हमारा
kaise nazar aa.e kahīñ imkān hamārā
jab Doltā hī rahtā hai īmān hamārā
nākām rahe haiñ jo hamesha kī tarah ham
badla hai irāda bhī to har aan hamārā
paiġhām diyā phir kabhī zahmat na kareñ ham
aur saath hī bhijvā diyā sāmān hamārā
har baar hamārī hī Dubotā huā kashtī
ye zor pakaḌtā huā tūfān hamārā
jo fā.eda honā thā usī se hue mahrūm
kuchh isse ziyāda nahīñ nuqsān hamārā
kam hotī ga.ī apnī tavajjoh bhī kuchh āḳhir
kuchh kaam bhī hotā gayā āsān hamārā
apnī hī 'zafar' ḳhaak uḌāte haiñ shab-o-roz
ham par bhī huā tang bayābān hamārā
کیسے نظر آئے کہیں امکان ہمارا
جب ڈولتا ہی رہتا ہے ایمان ہمارا
ناکام رہے ہیں جو ہمیشہ کی طرح ہم
بدلہ ہے ارادہ بھی تو ہر آن ہمارا
پیغام دیا پھر کبھی زحمت نہ کریں ہم
اور ساتھ ہی بھجوا دیا سامان ہمارا
ہر بار ہماری ہی ڈبوتا ہوا کشتی
یہ زور پکڑتا ہوا طوفان ہمارا
جو فائدہ ہونا تھا اسی سے ہوئے محروم
کچھ اس سے زیادہ نہیں نقصان ہمارا
کم ہوتی گئی اپنی توجہ بھی کچھ آخر
کچھ کام بھی ہوتا گیا آسان ہمارا
اپنی ہی ظفرؔ خاک اڑاتے ہیں شب و روز
ہم پر بھی ہوا تنگ بیابان ہمارا