कैसा लहजा था किस हाल में वो रही एक ही साँस में
कहने वाली कहानी मिरी कह गई एक ही साँस में
ये भला क्या कि इक एक घूँट अपने अंदर उतरता रहे
मय अगर तू ने पीनी है तो सारी पी एक ही साँस में
एक ही साँस में है समाया हुआ ये जहाँ ऐ ख़ुदा
हम ने सारी ख़ुदाई तिरी देख ली एक ही साँस में
जितने भी अहल-ए-महफ़िल थे मुँह वो मिरा देखते रह गए
बज़्म में उन की तारीफ़ कुछ ऐसे की एक ही साँस में
उन के होंटों का लम्स ऐसे चेहरे पे महसूस होता रहा
हम ने सारी हयाती यूँही काट ली एक ही साँस में
एक ही साँस में हम ने 'ताहिर' सभी कुछ कहा आप से
जो भी कहना है कह दीजिए आप भी एक ही साँस में
kaisā lahja thā kis haal meñ vo rahī ek hī saañs meñ
kahne vaalī kahānī mirī kah ga.ī ek hī saañs meñ
ye bhalā kyā ki ik ek ghūñT apne andar utartā rahe
mai agar tū ne piinī hai to saarī pī ek hī saañs meñ
ek hī saañs meñ hai samāyā huā ye jahāñ ai ḳhudā
ham ne saarī ḳhudā.ī tirī dekh lī ek hī saañs meñ
jitne bhī ahl-e-mahfil the muñh vo mirā dekhte rah ga.e
bazm meñ un kī tārīf kuchh aise kī ek hī saañs meñ
un ke hoñToñ kā lams aise chehre pe mahsūs hotā rahā
ham ne saarī hayātī yūñhī kaaT lī ek hī saañs meñ
ek hī saañs meñ ham ne 'tāhir' sabhī kuchh kahā aap se
jo bhī kahnā hai kah dījiye aap bhī ek hī saañs meñ
کیسا لہجہ تھا کس حال میں وہ رہی ایک ہی سانس میں
کہنے والی کہانی مری کہہ گئی ایک ہی سانس میں
یہ بھلا کیا کہ اک ایک گھونٹ اپنے اندر اترتا رہے
مے اگر تو نے پینی ہے تو ساری پی ایک ہی سانس میں
ایک ہی سانس میں ہے سمایا ہوا یہ جہاں اے خدا
ہم نے ساری خدائی تری دیکھ لی ایک ہی سانس میں
جتنے بھی اہل محفل تھے منہ وہ مرا دیکھتے رہ گئے
بزم میں ان کی تعریف کچھ ایسے کی ایک ہی سانس میں
ان کے ہونٹوں کا لمس ایسے چہرے پہ محسوس ہوتا رہا
ہم نے ساری حیاتی یوں ہی کاٹ لی ایک ہی سانس میں
ایک ہی سانس میں ہم نے طاہرؔ سبھی کچھ کہا آپ سے
جو بھی کہنا ہے کہہ دیجیے آپ بھی ایک ہی سانس میں