कहिए क्या और फ़ैसले की बात
वस्ल है इक मुआ'मले की बात
उस के कूचे में लाख सर-गरदाँ
एक यूसुफ़ के क़ाफ़िले की बात
गेसू-ए-हूर और ज़ाहिद बस
ज़िक्र-ए-काकुल है सिलसिले की बात
ग़ैर से हम को रश्क-ए-सल्ल-ए-अला
कहिए कुछ अपने हौसले की बात
एक आलम को कर दिया पामाल
ये भी है कोई मश्ग़ले की बात
क्या बिगड़ना उन्हें नहीं आता
सुल्ह भी है मुजादले की बात
देख क्या कहते हैं ख़ुदा से हम
इक ज़रा है मुक़ाबले की बात
इस क़दर और क़रीब-ए-ख़ातिर तू
अक़्ल से है ये फ़ासले की बात
दावर-ए-हश्र से भी हाल कहा
नहीं रुकती कहीं गिले की बात
न चले पाँव और न सर ही चले
बे-सर-ओ-पा है आबले की बात
कोई मज़मूँ कभी न पेश आया
शेर में की है फिर सिले की बात
हम-नशीं अर्श हिल गया शब-ए-हिज्र
पूछ मत जी के ज़लज़ले की बात
ऐ क़लक़ दिल को सोच कर देना
कुछ नहीं ठीक वलवले की बात
kahiye kyā aur faisle kī baat
vasl hai ik muāmle kī baat
us ke kūche meñ laakh sar-gardāñ
ek yūsuf ke qāfile kī baat
gesū-e-hūr aur zāhid bas
zikr-e-kākul hai silsile kī baat
ġhair se ham ko rashk-e-sall-e-alā
kahiye kuchh apne hausle kī baat
ek aalam ko kar diyā pāmāl
ye bhī hai koī mashġhale kī baat
kyā bigaḌnā unheñ nahīñ aatā
sulh bhī hai mujādale kī baat
dekh kyā kahte haiñ ḳhudā se ham
ik zarā hai muqāble kī baat
is qadar aur qarīb-e-ḳhātir tū
aql se hai ye fāsle kī baat
dāvar-e-hashr se bhī haal kahā
nahīñ ruktī kahīñ gile kī baat
na chale paañv aur na sar hī chale
be-sar-o-pā hai aable kī baat
koī mazmūñ kabhī na pesh aayā
sher meñ kī hai phir sile kī baat
ham-nashīñ arsh hil gayā shab-e-hijr
pūchh mat jī ke zalzale kī baat
ai qalaq dil ko soch kar denā
kuchh nahīñ Thiik valvale kī baat
کہیے کیا اور فیصلے کی بات
وصل ہے اک معاملے کی بات
اس کے کوچے میں لاکھ سر گرداں
ایک یوسف کے قافلے کی بات
گیسوئے حور اور زاہد بس
ذکر کاکل ہے سلسلے کی بات
غیر سے ہم کو رشک صل علیٰ
کہیے کچھ اپنے حوصلے کی بات
ایک عالم کو کر دیا پامال
یہ بھی ہے کوئی مشغلے کی بات
کیا بگڑنا انہیں نہیں آتا
صلح بھی ہے مجادلے کی بات
دیکھ کیا کہتے ہیں خدا سے ہم
اک ذرا ہے مقابلے کی بات
اس قدر اور قریب خاطر تو
عقل سے ہے یہ فاصلے کی بات
داور حشر سے بھی حال کہا
نہیں رکتی کہیں گلے کی بات
نہ چلے پاؤں اور نہ سر ہی چلے
بے سر و پا ہے آبلے کی بات
کوئی مضموں کبھی نہ پیش آیا
شعر میں کی ہے پھر صلے کی بات
ہم نشیں عرش ہل گیا شب ہجر
پوچھ مت جی کے زلزلے کی بات
اے قلق دل کو سوچ کر دینا
کچھ نہیں ٹھیک ولولے کی بات