कहाँ हम और कहाँ अब शराब-ख़ाना-ए-इश्क़
न वो दिमाग़ न वो दिल न वो ज़माना-ए-इश्क़
हुआ है शहर-ए-ख़मोशाँ में जब गुज़र मेरा
सुना किया हूँ लब-ए-गोर से फ़साना-ए-इश्क़
ख़याल-ए-रुख़ पे है मौक़ूफ़ दिल की आबादी
कभी न गुल हो इलाही चराग़-ए-ख़ाना-ए-इश्क़
भरे हुए हैं हसीनान-ए-सीम-तन दिल में
ख़ुदा करे कभी ख़ाली न हो ख़ज़ाना-ए-इश्क़
गई दिमाग़ में जिस के किया असीर उसे
अजब कमंद है बू-ए-शराब-ख़ाना-ए-इश्क़
कहीं है दाग़ का मज़मूँ कहीं है सोज़ का ज़िक्र
सुनो न तुम कि बहुत गर्म है फ़साना-ए-इश्क़
ग़लत है साहब-ए-दौलत को गर ग़नी कहिए
ग़नी वो है जिसे अल्लाह दे ख़ज़ाना-ए-इश्क़
जो बहर-ए-ग़म में गिरा हाथ धो के जीने से
उसी के हाथ भी आया दुर-ए-यगाना-ए-इश्क़
तमाम उम्र इसी सहरा की ख़ाक छानी है
जो तुम सुनो तो सुनाऊँ कोई फ़साना-ए-इश्क़
बने हैं जब से वो यूसुफ़ हर एक गाहक है
खुला हुआ है यहाँ भी दर-ए-ख़ज़ाना-ए-इश्क़
किसी पे दिल का था आना कि बे-ख़ुदी छाई
समंद-ए-होश को आफ़त है ताज़ियाना-ए-इश्क़
जब उन के दिल में ये आती है कुछ सुनें नाले
तो मुझ से कहते हैं छेड़ो कोई तराना-ए-इश्क़
चमक के दाग़ ये कहता है दिल की आहों से
हवा से बुझ नहीं सकता चराग़-ए-ख़ाना-ए-इश्क़
ये जानिए कि लगी हाथ दौलत-ए-कौनैन
मिले जो ख़िर्मन-ए-हस्ती से एक दाना-ए-इश्क़
यहाँ 'अयाज़' है आक़ा ग़ुलाम है 'महमूद'
'जलील' क्या मैं कहूँ तुम से कारख़ाना-ए-इश्क़
kahāñ ham aur kahāñ ab sharāb-ḳhāna-e-ishq
na vo dimāġh na vo dil na vo zamāna-e-ishq
huā hai shahr-e-ḳhamoshāñ meñ jab guzar merā
sunā kiyā huuñ lab-e-gor se fasāna-e-ishq
ḳhayāl-e-ruḳh pe hai mauqūf dil kī ābādī
kabhī na gul ho ilāhī charāġh-e-ḳhāna-e-ishq
bhare hue haiñ hasīnān-e-sīm-tan dil meñ
ḳhudā kare kabhī ḳhālī na ho ḳhazāna-e-ishq
ga.ī dimāġh meñ jis ke kiyā asiir use
ajab kamand hai bū-e-sharāb-ḳhāna-e-ishq
kahīñ hai daaġh kā mazmūñ kahīñ hai soz kā zikr
suno na tum ki bahut garm hai fasāna-e-ishq
ġhalat hai sāhab-e-daulat ko gar ġhanī kahiye
ġhanī vo hai jise allāh de ḳhazāna-e-ishq
jo bahr-e-ġham meñ girā haath dho ke jiine se
usī ke haath bhī aayā dur-e-yagāna-e-ishq
tamām umr isī sahrā kī ḳhaak chhānī hai
jo tum suno to sunā.ūñ koī fasāna-e-ishq
bane haiñ jab se vo yūsuf har ek gāhak hai
khulā huā hai yahāñ bhī dar-e-ḳhazāna-e-ishq
kisī pe dil kā thā aanā ki be-ḳhudī chhā.ī
samand-e-hosh ko aafat hai tāziyāna-e-ishq
jab un ke dil meñ ye aatī hai kuchh suneñ naale
to mujh se kahte haiñ chheḌo koī tarāna-e-ishq
chamak ke daaġh ye kahtā hai dil kī aahoñ se
havā se bujh nahīñ saktā charāġh-e-ḳhāna-e-ishq
ye jāniye ki lagī haath daulat-e-kaunain
mile jo ḳhirman-e-hastī se ek dāna-e-ishq
yahāñ 'ayāz' hai aaqā ġhulām hai 'mahmūd'
'jalīl' kyā maiñ kahūñ tum se kārḳhāna-e-ishq
کہاں ہم اور کہاں اب شراب خانۂ عشق
نہ وہ دماغ نہ وہ دل نہ وہ زمانۂ عشق
ہوا ہے شہر خموشاں میں جب گزر میرا
سنا کیا ہوں لب گور سے فسانۂ عشق
خیال رخ پہ ہے موقوف دل کی آبادی
کبھی نہ گل ہو الٰہی چراغ خانۂ عشق
بھرے ہوئے ہیں حسینان سیم تن دل میں
خدا کرے کبھی خالی نہ ہو خزانۂ عشق
گئی دماغ میں جس کے کیا اسیر اسے
عجب کمند ہے بوئے شراب خانۂ عشق
کہیں ہے داغ کا مضموں کہیں ہے سوز کا ذکر
سنو نہ تم کہ بہت گرم ہے فسانۂ عشق
غلط ہے صاحب دولت کو گر غنی کہیے
غنی وہ ہے جسے اللہ دے خزانۂ عشق
جو بحر غم میں گرا ہاتھ دھو کے جینے سے
اسی کے ہاتھ بھی آیا در یگانۂ عشق
تمام عمر اسی صحرا کی خاک چھانی ہے
جو تم سنو تو سناؤں کوئی فسانۂ عشق
بنے ہیں جب سے وہ یوسف ہر ایک گاہک ہے
کھلا ہوا ہے یہاں بھی در خزانۂ عشق
کسی پہ دل کا تھا آنا کہ بے خودی چھائی
سمند ہوش کو آفت ہے تازیانۂ عشق
جب ان کے دل میں یہ آتی ہے کچھ سنیں نالے
تو مجھ سے کہتے ہیں چھیڑو کوئی ترانۂ عشق
چمک کے داغ یہ کہتا ہے دل کی آہوں سے
ہوا سے بجھ نہیں سکتا چراغ خانۂ عشق
یہ جانیے کہ لگی ہاتھ دولت کونین
ملے جو خرمن ہستی سے ایک دانۂ عشق
یہاں ایازؔ ہے آقا غلام ہے محمودؔ
جلیلؔ کیا میں کہوں تم سے کارخانۂ عشق