कदम की छाँव में बंसी बजा रहा है कोई
फ़ज़ा-ए-बुर्ज को बे-ख़ुद बना रहा है कोई
तड़प रही थीं जो मौजें वो सोई जाती हैं
ज़रूर साहिल-ए-जमना पे गा रहा है कोई
सुकूत-ए-शाम में गाना है किस क़दर पुर-कैफ़
शराब-ए-नाब के दरिया बहा रहा है कोई
सुना था रूह ने जन्नत में जो लब-ए-कौसर
वही तराना-ए-दिलकश सुना रहा है कोई
सदा जो कान में आई तो गोपियाँ बोलीं
उठो उठो कि हमीं को बुला रहा है कोई
ग़ज़ब का सोज़ ख़ुदाया है नाला-ए-नै में
दिल-ओ-जिगर को हमारे जला रहा है कोई
कहीं तड़प है ये नग़्मा कहीं सुकून-ओ-क़रार
जगा रहा है कोई या सुला रहा है कोई
kadam kī chhāñv meñ bansī bajā rahā hai koī
fazā-e-burj ko be-ḳhud banā rahā hai koī
taḌap rahī thiiñ jo maujeñ vo soī jaatī haiñ
zarūr sāhil-e-jamnā pe gā rahā hai koī
sukūt-e-shām meñ gaanā hai kis qadar pur-kaif
sharāb-e-nāb ke dariyā bahā rahā hai koī
sunā thā ruuh ne jannat meñ jo lab-e-kausar
vahī tarāna-e-dilkash sunā rahā hai koī
sadā jo kaan meñ aa.ī to gopiyāñ bolīñ
uTho uTho ki hamīñ ko bulā rahā hai koī
ġhazab kā soz ḳhudāyā hai nāla-e-nai meñ
dil-o-jigar ko hamāre jalā rahā hai koī
kahīñ taḌap hai ye naġhma kahīñ sukūn-o-qarār
jagā rahā hai koī yā sulā rahā hai koī
کدم کی چھانو میں بنسی بجا رہا ہے کوئی
فضائے برج کو بے خود بنا رہا ہے کوئی
تڑپ رہی تھیں جو موجیں وہ سوئی جاتی ہیں
ضرور ساحل جمنا پہ گا رہا ہے کوئی
سکوت شام میں گانا ہے کس قدر پر کیف
شراب ناب کے دریا بہا رہا ہے کوئی
سنا تھا روح نے جنت میں جو لب کوثر
وہی ترانۂ دل کش سنا رہا ہے کوئی
صدا جو کان میں آئی تو گوپیاں بولیں
اٹھو اٹھو کہ ہمیں کو بلا رہا ہے کوئی
غضب کا سوز خدایا ہے نالۂ نے میں
دل و جگر کو ہمارے جلا رہا ہے کوئی
کہیں تڑپ ہے یہ نغمہ کہیں سکون و قرار
جگا رہا ہے کوئی یا سلا رہا ہے کوئی