दिल-ए-ग़म-गीं तलबगार-ए-क़ज़-ए-ना-गहाँ क्यों हो
जिसे ग़म मिल गया वो ज़िंदगी से सरगिराँ क्यों हो
तग़ाफ़ुल और जफ़ा के बा'द सरहद है मोहब्बत की
दिल-ए-शैदा तिरे ज़ुल्म-ओ-सितम से बद-गुमाँ क्यों हो
मिरे शुक्र-ए-जफ़ा पर मुस्कुराए और फ़रमाया
सितम जब मेहरबानी है तो कोई मेहरबाँ क्यों हो
मुझे हैरत है गुलज़ार-ए-जिनाँ की दिल-फ़रेबी पर
ख़िज़ाँ जिस को नहीं वो गुल्सिताँ फिर गुल्सिताँ क्यों हो
मिला फूलों को रंग-ए-आतिशीं जलते नशेमन से
चमन हो मो'तरिफ़ इस का तो रंज-ए-आशियाँ क्यों हो
गुलों से सीख ले इख़्फ़ा-ए-राज़-ए-आशिक़ी कोई
ख़लिश काँटों की जो दिल में है चेहरे से अयाँ क्यों हो
गिला करता हूँ क़िस्मत का तो ये आ'माल कहते हैं
तू ही जब हो अदू अपना तो दुश्मन आसमाँ क्यों हो
जिसे दुनिया में सैर-ए-गुलशन-ए-कश्मीर हो हासिल
वो ज़ाहिद की तरह जाँ-दादा-ए-बाग़-ए-जिनाँ क्यों हो
dil-e-ġham-gīñ talabgār-e-qazā-e-nā-gahāñ kyoñ ho
jise ġham mil gayā vo zindagī se sargirāñ kyoñ ho
taġhāful aur jafā ke baa'd sarhad hai mohabbat kī
dil-e-shaidā tire zulm-o-sitam se bad-gumāñ kyoñ ho
mire shukr-e-jafā par muskurā.e aur farmāyā
sitam jab mehrbānī hai to koī meherbāñ kyoñ ho
mujhe hairat hai gulzār-e-jināñ kī dil-farebī par
ḳhizāñ jis ko nahīñ vo gulsitāñ phir gulsitāñ kyoñ ho
milā phūloñ ko rang-e-ātshīñ jalte nasheman se
chaman ho mo'tarif is kā to ranj-e-āshiyāñ kyoñ ho
guloñ se siikh le iḳhfā-e-rāz-e-āshiqī koī
ḳhalish kāñToñ kī jo dil meñ hai chehre se ayaañ kyoñ ho
gila kartā huuñ qismat kā to ye a.amāl kahte haiñ
tū hī jab ho adū apnā to dushman āsmāñ kyoñ ho
jise duniyā meñ sair-e-gulshan-e-kashmīr ho hāsil
vo zāhid kī tarah jāñdāda-e-bāġh-e-jināñ kyoñ ho
دل غمگیں طلب گار قضائے ناگہاں کیوں ہو
جسے غم مل گیا وہ زندگی سے سرگراں کیوں ہو
تغافل اور جفا کے بعد سرحد ہے محبت کی
دل شیدا ترے ظلم و ستم سے بد گماں کیوں ہو
مرے شکر جفا پر مسکرائے اور فرمایا
ستم جب مہربانی ہے تو کوئی مہرباں کیوں ہو
مجھے حیرت ہے گلزار جناں کی دل فریبی پر
خزاں جس کو نہیں وہ گلستاں پھر گلستاں کیوں ہو
ملا پھولوں کو رنگ آتشیں جلتے نشیمن سے
چمن ہو معترف اس کا تو رنج آشیاں کیوں ہو
گلوں سے سیکھ لے اخفائے راز عاشقی کوئی
خلش کانٹوں کی جو دل میں ہے چہرے سے عیاں کیوں ہو
گلہ کرتا ہوں قسمت کا تو یہ اعمال کہتے ہیں
تو ہی جب ہو عدو اپنا تو دشمن آسماں کیوں ہو
جسے دنیا میں سیر گلشن کشمیر ہو حاصل
وہ زاہد کی طرح جاندادۂ باغ جناں کیوں ہو