इश्क़ के ए'जाज़ से तस्कीं का सामाँ हो गईं
अब जफ़ाएँ भी नवाज़िश-हा-ए-पिन्हाँ हो गईं
अपनी आज़ादी पे नाज़ाँ हैं अबस वो बुलबुलें
जो क़फ़स से दूर पाबंद-ए-गुलिस्ताँ हो गईं
अब फ़क़त तेरा तसव्वुर है कि दिल के साथ-साथ
आरज़ूएँ भी असीर-ए-ज़ुल्फ़-ए-पेचाँ हो गईं
गरचे काली हैं बहुत शब-हा-ए-तार-ए-इंतिज़ार
तीरगी-ए-बख़्त से मेरे दरख़्शाँ हो गईं
बाग़-ए-आलम में नए गुल खिल रहे हैं ऐ सबा
उन की ज़ुल्फ़ें दोष पर शायद परेशाँ हो गईं
आह जिन का हुस्न कहता था कि हम ख़ाकी नहीं
सूरतें वो ख़ाक के पर्दे में पिन्हाँ हो गईं
हसरतों को यास ने बख़्शी है इक ताज़ा हयात
मिट गईं जब दाग़-ए-दिल बन कर नुमायाँ हो गईं
ishq ke e.ajāz se taskīñ kā sāmāñ ho ga.iiñ
ab jafā.eñ bhī navāzish-hā-e-pinhāñ ho ga.iiñ
apnī āzādī pe nāzāñ haiñ abas vo bulbuleñ
jo qafas se duur pāband-e-gulistāñ ho ga.iiñ
ab faqat terā tasavvur hai ki dil ke sāth-sāth
ārzūeñ bhī asīr-e-zulf-e-pechāñ ho ga.iiñ
garche kaalī haiñ bahut shab-hā-e-tār-e-intizār
tīrgī-e-baḳht se mere daraḳhshāñ ho ga.iiñ
bāġh-e-ālam meñ na.e gul khil rahe haiñ ai sabā
un kī zulfeñ dosh par shāyad pareshāñ ho ga.iiñ
aah jin kā husn kahtā thā ki ham ḳhākī nahīñ
sūrateñ vo ḳhaak ke parde meñ pinhāñ ho ga.iiñ
hasratoñ ko yaas ne baḳhshī hai ik taaza hayāt
miT ga.iiñ jab dāġh-e-dil ban kar numāyāñ ho ga.iiñ
عشق کے اعجاز سے تسکیں کا ساماں ہو گئیں
اب جفائیں بھی نوازش ہائے پنہاں ہو گئیں
اپنی آزادی پہ نازاں ہیں عبث وہ بلبلیں
جو قفس سے دور پابند گلستاں ہو گئیں
اب فقط تیرا تصور ہے کہ دل کے ساتھ ساتھ
آرزوئیں بھی اسیر زلف پیچاں ہو گئیں
گرچہ کالی ہیں بہت شب ہائے تار انتظار
تیرگیٔ بخت سے میرے درخشاں ہو گئیں
باغ عالم میں نئے گل کھل رہے ہیں اے صبا
ان کی زلفیں دوش پر شاید پریشاں ہو گئیں
آہ جن کا حسن کہتا تھا کہ ہم خاکی نہیں
صورتیں وہ خاک کے پردے میں پنہاں ہو گئیں
حسرتوں کو یاس نے بخشی ہے اک تازہ حیات
مٹ گئیں جب داغ دل بن کر نمایاں ہو گئیں