कभी तो दोस्तो अपने वतन की बात करें
कभी तो चाक-ए-दिल-ओ-पैरहन की बात करें
ख़िरद की बज़्म में दीवाने-पन की बात करें
हिकायतों में किसी सीम-तन की बात करें
गुलों के सामने क्या फ़िक्र-ओ-फ़न की बात करें
ये सादा लोग हैं उन से चमन की बात करें
ख़याल-ए-यार सलामत हज़ार बज़्म-ए-तरब
ग़ज़ल के नाम पे गुल-पैरहन की बात करें
मशाम-ए-जाँ में वो गेसू महकते जाते हैं
किसी ख़ुतन की न मुश्क-ए-ख़ुतन की बात करें
निगाह-ए-फ़ित्ना है एक इक अदा क़यामत है
वो लाख बन के बड़े भोलपन की बात करें
भली सी बात अज़ीज़ों पे बार होती है
दयार-ए-ग़ैर में कैसे वतन की बात करें
शनासा चेहरे यहाँ अजनबी से लगते हैं
हों अहल-ए-ज़ौक़ तो अहल-ए-सुख़न की बात करें
जहाँ पे क़त्ल हो उर्दू ज़बाँ नफ़ासत से
चलो कुछ आज उसी अंजुमन की बात करें
kabhī to dosto apne vatan kī baat kareñ
kabhī to chāk-e-dil-o-pairahan kī baat kareñ
ḳhirad kī bazm meñ dīvāne-pan kī baat kareñ
hikāyatoñ meñ kisī sīm-tan kī baat kareñ
guloñ ke sāmne kyā fikr-o-fan kī baat kareñ
ye saada log haiñ un se chaman kī baat kareñ
ḳhayāl-e-yār salāmat hazār bazm-e-tarab
ġhazal ke naam pe gul-pairahan kī baat kareñ
mashām-e-jāñ meñ vo gesū mahakte jaate haiñ
kisī ḳhutan kī na mushk-e-ḳhutan kī baat kareñ
nigāh-e-fitna hai ek ik adā qayāmat hai
vo laakh ban ke baḌe bholpan kī baat kareñ
bhalī sī baat azīzoñ pe baar hotī hai
dayār-e-ġhair meñ kaise vatan kī baat kareñ
shanāsā chehre yahāñ ajnabī se lagte haiñ
hoñ ahl-e-zauq to ahl-e-suḳhan kī baat kareñ
jahāñ pe qatl ho urdu zabāñ nafāsat se
chalo kuchh aaj usī anjuman kī baat kareñ
کبھی تو دوستو اپنے وطن کی بات کریں
کبھی تو چاک دل و پیرہن کی بات کریں
خرد کی بزم میں دیوانہ پن کی بات کریں
حکایتوں میں کسی سیم تن کی بات کریں
گلوں کے سامنے کیا فکر و فن کی بات کریں
یہ سادہ لوگ ہیں ان سے چمن کی بات کریں
خیال یار سلامت ہزار بزم طرب
غزل کے نام پہ گل پیرہن کی بات کریں
مشام جاں میں وہ گیسو مہکتے جاتے ہیں
کسی ختن کی نہ مشک ختن کی بات کریں
نگاہ فتنہ ہے ایک اک ادا قیامت ہے
وہ لاکھ بن کے بڑے بھولپن کی بات کریں
بھلی سی بات عزیزوں پہ بار ہوتی ہے
دیار غیر میں کیسے وطن کی بات کریں
شناسا چہرے یہاں اجنبی سے لگتے ہیں
ہوں اہل ذوق تو اہل سخن کی بات کریں
جہاں پہ قتل ہو اردو زباں نفاست سے
چلو کچھ آج اسی انجمن کی بات کریں