कभी गिर्यां कभी ख़ंदाँ कभी हैराँ हूँ मैं
मुख़्तसर है मिरी रूदाद कि इंसाँ हूँ मैं
सेहन-ए-गुलशन से मिरी ख़ाक-ए-नशेमन न उड़ा
ऐ सबा महरम-ए-असरार-ए-गुलिस्ताँ हूँ मैं
यूँ मुझे दिल से फ़रामोश किए बैठे हैं
जैसे उन का ही कोई ख़्वाब-ए-परेशाँ हूँ मैं
दे के ग़म आप ने तकमील-ए-जुनूँ भी तो न की
सोचिए कब से यूँ ही चाक-ए-गरेबाँ हूँ मैं
बज़्म-ए-कौनैन में अब तक मह-ओ-ख़ुर्शीद सही
उन की महफ़िल में चराग़-ए-तह-ए-दामाँ हूँ मैं
दिल को उम्मीद-ए-करम रखती है मुज़्तर या'नी
ये भी इक हुस्न-ए-तलब है कि परेशाँ हूँ मैं
मुझ को शर्मिंदा न कर मुझ से इक आँसू भी न माँग
ऐ ग़म-ए-दोस्त बहुत बे-सर-ओ-सामाँ हूँ मैं
ये मिरा हाल है नाला भी नहीं कर सकता
और मिरा ज़र्फ़ भी देखो कि ग़ज़ल-ख़्वाँ हूँ मैं
'कैफ़' इस हाल में हैं आज-कल इंसाँ कि मुझे
शर्म आती है ये कहते हुए इंसाँ हूँ मैं
kabhī giryāñ kabhī ḳhandāñ kabhī hairāñ huuñ maiñ
muḳhtasar hai mirī rūdād ki insāñ huuñ maiñ
sehn-e-gulshan se mirī ḳhāk-e-nasheman na uḌā
ai sabā mahram-e-asrār-e-gulistāñ huuñ maiñ
yuuñ mujhe dil se farāmosh kiye baiThe haiñ
jaise un kā hī koī ḳhvāb-e-pareshāñ huuñ maiñ
de ke ġham aap ne takmīl-e-junūñ bhī to na kī
sochiye kab se yuuñ hī chāk-e-garebāñ huuñ maiñ
bazm-e-kaunain meñ ab tak mah-o-ḳhurshīd sahī
un kī mahfil meñ charāġh-e-tah-e-dāmāñ huuñ maiñ
dil ko ummīd-e-karam rakhtī hai muztar ya.anī
ye bhī ik husn-e-talab hai ki pareshāñ huuñ maiñ
mujh ko sharminda na kar mujh se ik aañsū bhī na maañg
ai ġham-e-dost bahut be-sar-o-sāmāñ huuñ maiñ
ye mirā haal hai naala bhī nahīñ kar saktā
aur mirā zarf bhī dekho ki ġhazal-ḳhvāñ huuñ maiñ
'kaif' is haal meñ haiñ āj-kal insāñ ki mujhe
sharm aatī hai ye kahte hue insāñ huuñ maiñ
کبھی گریاں کبھی خنداں کبھی حیراں ہوں میں
مختصر ہے مری روداد کہ انساں ہوں میں
صحن گلشن سے مری خاک نشیمن نہ اڑا
اے صبا محرم اسرار گلستاں ہوں میں
یوں مجھے دل سے فراموش کئے بیٹھے ہیں
جیسے ان کا ہی کوئی خواب پریشاں ہوں میں
دے کے غم آپ نے تکمیل جنوں بھی تو نہ کی
سوچئے کب سے یوں ہی چاک گریباں ہوں میں
بزم کونین میں اب تک مہ و خورشید سہی
ان کی محفل میں چراغ تہ داماں ہوں میں
دل کو امید کرم رکھتی ہے مضطر یعنی
یہ بھی اک حسن طلب ہے کہ پریشاں ہوں میں
مجھ کو شرمندہ نہ کر مجھ سے اک آنسو بھی نہ مانگ
اے غم دوست بہت بے سر و ساماں ہوں میں
یہ مرا حال ہے نالہ بھی نہیں کر سکتا
اور مرا ظرف بھی دیکھو کہ غزل خواں ہوں میں
کیفؔ اس حال میں ہیں آج کل انساں کہ مجھے
شرم آتی ہے یہ کہتے ہوئے انساں ہوں میں