कब वो ज़ाहिर होगा और हैरान कर देगा मुझे
जितनी भी मुश्किल में हूँ आसान कर देगा मुझे
रू-ब-रू कर के कभी अपने महकते सुर्ख़ होंट
एक दो पल के लिए गुल-दान कर देगा मुझे
रूह फूँकेगा मोहब्बत की मिरे पैकर में वो
फिर वो अपने सामने बे-जान कर देगा मुझे
ख़्वाहिशों का ख़ूँ बहाएगा सर-ए-बाज़ार-ए-शौक़
और मुकम्मल बे-सर-ओ-सामान कर देगा मुझे
मुंहदिम कर देगा आ कर सारी तामीरात-ए-दिल
देखते ही देखते वीरान कर देगा मुझे
एक ना-मौजूदगी रह जाएगी चारों तरफ़
रफ़्ता रफ़्ता इस क़दर सुनसान कर देगा मुझे
या तो मुझ से वो छुड़ा देगा ग़ज़ल-गोई 'ज़फ़र'
या किसी दिन साहिब-ए-दीवान कर देगा मुझे
kab vo zāhir hogā aur hairān kar degā mujhe
jitnī bhī mushkil meñ huuñ āsān kar degā mujhe
rū-ba-rū kar ke kabhī apne mahakte surḳh hoñT
ek do pal ke liye gul-dān kar degā mujhe
ruuh phūñkegā mohabbat kī mire paikar meñ vo
phir vo apne sāmne be-jān kar degā mujhe
ḳhvāhishoñ kā ḳhuuñ bahā.egā sar-e-bāzār-e-shauq
aur mukammal be-sar-o-sāmān kar degā mujhe
munhadim kar degā aa kar saarī tāmīrāt-e-dil
dekhte hī dekhte vīrān kar degā mujhe
ek nā-maujūdgī rah jā.egī chāroñ taraf
rafta rafta is qadar sunsān kar degā mujhe
yā to mujh se vo chhuḌā degā ġhazal-goī 'zafar'
yā kisī din sāhib-e-dīvān kar degā mujhe
کب وہ ظاہر ہوگا اور حیران کر دے گا مجھے
جتنی بھی مشکل میں ہوں آسان کر دے گا مجھے
روبرو کر کے کبھی اپنے مہکتے سرخ ہونٹ
ایک دو پل کے لیے گلدان کر دے گا مجھے
روح پھونکے گا محبت کی مرے پیکر میں وہ
پھر وہ اپنے سامنے بے جان کر دے گا مجھے
خواہشوں کا خوں بہائے گا سر بازار شوق
اور مکمل بے سر و سامان کر دے گا مجھے
منہدم کر دے گا آ کر ساری تعمیرات دل
دیکھتے ہی دیکھتے ویران کر دے گا مجھے
ایک ناموجودگی رہ جائے گی چاروں طرف
رفتہ رفتہ اس قدر سنسان کر دے گا مجھے
یا تو مجھ سے وہ چھڑا دے گا غزل گوئی ظفرؔ
یا کسی دن صاحب دیوان کر دے گا مجھے