कब हवा मुट्ठी में आती है अबस दौड़ा किया
जाने क्या क्या कल यूँही मैं रात-भर सोचा किया
अब तो इस तर्क-ए-तअ'ल्लुक़ में मुझे भी लुत्फ़ है
जो किया तुम ने मिरी ख़ातिर बहुत अच्छा किया
जैसे वो भी फ़लसफ़े के नुक्ता-ए-पेचीदा हों
मेरी बातें मेरे बदले ग़ैर से समझा किया
फिर मुझे दरयाफ़्त करने की उसे हसरत रही
वो मुझे दीमक लगे औराक़ में ढूँढा किया
ख़ू में चाहे तुंद हो दिल से निहायत नेक है
भूल कर सब पिछली बातें मेरे पास आया किया
तिश्नगी मेरा मुक़द्दर है मुझे पानी से क्या
जानता था फिर भी ख़ेमा नहर पर बरपा किया
कल वही शब थी जो आती है नसीबों से मगर
और सब सोते रहे बस एक मैं जागा किया
जब नई आवाज़ उट्ठी क़त्ल करने आए लोग
इक मदारी साँप का सर मान कर कुचला किया
kab havā muTThī meñ aatī hai abas dauḌā kiyā
jaane kyā kyā kal yūñhī maiñ rāt-bhar sochā kiyā
ab to is tark-e-ta.alluq meñ mujhe bhī lutf hai
jo kiyā tum ne mirī ḳhātir bahut achchhā kiyā
jaise vo bhī falsafe ke nukta-e-pechīda hoñ
merī bāteñ mere badle ġhair se samjhā kiyā
phir mujhe daryāft karne kī use hasrat rahī
vo mujhe dīmak lage aurāq meñ DhūñDhā kiyā
ḳhū meñ chāhe tund ho dil se nihāyat nek hai
bhuul kar sab pichhlī bāteñ mere paas aayā kiyā
tishnagī merā muqaddar hai mujhe paanī se kyā
jāntā thā phir bhī ḳhema nahr par barpā kiyā
kal vahī shab thī jo aatī hai nasīboñ se magar
aur sab sote rahe bas ek maiñ jaagā kiyā
jab na.ī āvāz uTThī qatl karne aa.e log
ik madārī saañp kā sar maan kar kuchlā kiyā
کب ہوا مٹھی میں آتی ہے عبث دوڑا کیا
جانے کیا کیا کل یوں ہی میں رات بھر سوچا کیا
اب تو اس ترک تعلق میں مجھے بھی لطف ہے
جو کیا تم نے مری خاطر بہت اچھا کیا
جیسے وہ بھی فلسفے کے نکتۂ پیچیدہ ہوں
میری باتیں میرے بدلے غیر سے سمجھا کیا
پھر مجھے دریافت کرنے کی اسے حسرت رہی
وہ مجھے دیمک لگے اوراق میں ڈھونڈھا کیا
خو میں چاہے تند ہو دل سے نہایت نیک ہے
بھول کر سب پچھلی باتیں میرے پاس آیا کیا
تشنگی میرا مقدر ہے مجھے پانی سے کیا
جانتا تھا پھر بھی خیمہ نہر پر برپا کیا
کل وہی شب تھی جو آتی ہے نصیبوں سے مگر
اور سب سوتے رہے بس ایک میں جاگا کیا
جب نئی آواز اٹھی قتل کرنے آئے لوگ
اک مداری سانپ کا سر مان کر کچلا کیا