कब बात हो बग़ैर ख़ुशामद वहाँ दुरुस्त
वो ना-दुरुस्त भी जो कहें कहिए हाँ दुरुस्त
थोड़े से दिन बहार के हैं किस उमीद पर
करते हैं अपने मुर्ग़-ए-चमन आशियाँ दुरुस्त
कुछ मैं भी अपना हाल-ए-तबीअत बयाँ करूँ
गर हो मिज़ाज आप का ऐ मेहरबाँ दुरुस्त
उस को दुरुस्ती-ए-दिल-ए-आशिक़ से क्या ग़रज़
जिस बद-ज़बान की नहीं अब तक ज़बाँ दुरुस्त
आँखों में रह कि दिल में ठहर तेरे वास्ते
आरास्ता हर एक मकाँ हर मकाँ दुरुस्त
हर रोज़ ताज़ियाना-ए-ज़ुल्फ़-ए-दराज़ से
तू ने भी दिल को ख़ूब किया मेरी जाँ दुरुस्त
आता है सामने जो वो ग़ारत-गर-ए-शकेब
औसान 'दाग़' रहते हैं अपने कहाँ दुरुस्त
kab baat ho baġhair ḳhushāmad vahāñ durust
vo nā-durust bhī jo kaheñ kahiye haañ durust
thoḌe se din bahār ke haiñ kis umiid par
karte haiñ apne murġh-e-chaman āshiyāñ durust
kuchh maiñ bhī apnā hāl-e-tabī.at bayāñ karūñ
gar ho mizāj aap kā ai mehrbāñ durust
us ko durustī-e-dil-e-āshiq se kyā ġharaz
jis bad-zabān kī nahīñ ab tak zabāñ durust
āñkhoñ meñ rah ki dil meñ Thahar tere vāste
ārāsta har ek makāñ har makāñ durust
har roz tāziyāna-e-zulf-e-darāz se
tū ne bhī dil ko ḳhuub kiyā merī jaañ durust
aatā hai sāmne jo vo ġhārat-gar-e-shakeb
ausān 'dāġh' rahte haiñ apne kahāñ durust
کب بات ہو بغیر خوشامد وہاں درست
وہ نادرست بھی جو کہیں کہیے ہاں درست
تھوڑے سے دن بہار کے ہیں کس امید پر
کرتے ہیں اپنے مرغ چمن آشیاں درست
کچھ میں بھی اپنا حال طبیعت بیاں کروں
گر ہو مزاج آپ کا اے مہرباں درست
اس کو درستیٔ دل عاشق سے کیا غرض
جس بد زبان کی نہیں اب تک زباں درست
آنکھوں میں رہ کہ دل میں ٹھہر تیرے واسطے
آراستہ ہر ایک مکاں ہر مکاں درست
ہر روز تازیانۂ زلف دراز سے
تو نے بھی دل کو خوب کیا میری جاں درست
آتا ہے سامنے جو وہ غارت گر شکیب
اوسان داغؔ رہتے ہیں اپنے کہاں درست