कारगाह-ए-दुनिया की नेस्ती भी हस्ती है
इक तरफ़ उजड़ती है एक सम्त बसती है
बे-दिलों की हस्ती क्या जीते हैं न मरते हैं
ख़्वाब है न बेदारी होश है न मस्ती है
क्या बताऊँ क्या हूँ मैं क़ुदरत-ए-ख़ुदा हूँ मैं
मेरी ख़ुद-परस्ती भी ऐन हक़-परस्ती है
कीमिया-ए-दिल क्या है ख़ाक है मगर कैसी
लीजिए तो महँगी है बेचिए तो सस्ती है
ख़िज़्र-ए-मंज़िल अपना हूँ अपनी राह चलता हूँ
मेरे हाल पर दुनिया क्या समझ के हँसती है
क्या कहूँ सफ़र अपना ख़त्म क्यूँ नहीं होता
फ़िक्र की बुलंदी या हौसले की पस्ती है
हुस्न-ए-बे-तमाशा की धूम क्या मुअम्मा है
कान भी हैं ना-महरम आँख भी तरसती है
चितवनों से मिलता है कुछ सुराग़ बातिन का
चाल से तो काफ़िर पर सादगी बरसती है
तर्क-ए-लज़्ज़त-ए-दुनिया कीजिए तो किस दिल से
ज़ौक़-ए-पारसाई क्या फ़ैज़-ए-तंग-दस्ती है
दीदनी है 'यास' अपने रंज ओ ग़म की तुग़्यानी
झूम झूम कर क्या क्या ये घटा बरसती है
kār-gāh-e-duniyā kī nestī bhī hastī hai
ik taraf ujaḌtī hai ek samt bastī hai
be-diloñ kī hastī kyā jiite haiñ na marte haiñ
ḳhvāb hai na bedārī hosh hai na mastī hai
kyā batā.ūñ kyā huuñ maiñ qudrat-e-ḳhudā huuñ maiñ
merī ḳhud-parastī bhī ain haq-parastī hai
kīmiyā-e-dil kyā hai ḳhaak hai magar kaisī
lījiye to mahñgī hai bechiye to sastī hai
ḳhizr-e-manzil apnā huuñ apnī raah chaltā huuñ
mere haal par duniyā kyā samajh ke hañstī hai
kyā kahūñ safar apnā ḳhatm kyuuñ nahīñ hotā
fikr kī bulandī yā hausle kī pastī hai
husn-e-be-tamāshā kī dhuum kyā muammā hai
kaan bhī haiñ nā-mahram aañkh bhī tarastī hai
chitvanoñ se miltā hai kuchh surāġh bātin kā
chaal se to kāfir par sādgī barastī hai
tark-e-lazzat-e-duniyā kījiye to kis dil se
zauq-e-pārsā.ī kyā faiz-e-tañg-dastī hai
dīdanī hai 'yās' apne ranj o ġham kī tuġhyānī
jhuum jhuum kar kyā kyā ye ghaTā barastī hai
کارگاہ دنیا کی نیستی بھی ہستی ہے
اک طرف اجڑتی ہے ایک سمت بستی ہے
بے دلوں کی ہستی کیا جیتے ہیں نہ مرتے ہیں
خواب ہے نہ بیداری ہوش ہے نہ مستی ہے
کیا بتاؤں کیا ہوں میں قدرت خدا ہوں میں
میری خود پرستی بھی عین حق پرستی ہے
کیمیائے دل کیا ہے خاک ہے مگر کیسی
لیجئے تو مہنگی ہے بیچئے تو سستی ہے
خضر منزل اپنا ہوں اپنی راہ چلتا ہوں
میرے حال پر دنیا کیا سمجھ کے ہنستی ہے
کیا کہوں سفر اپنا ختم کیوں نہیں ہوتا
فکر کی بلندی یا حوصلے کی پستی ہے
حسن بے تماشا کی دھوم کیا معما ہے
کان بھی ہیں نامحرم آنکھ بھی ترستی ہے
چتونوں سے ملتا ہے کچھ سراغ باطن کا
چال سے تو کافر پر سادگی برستی ہے
ترک لذت دنیا کیجئے تو کس دل سے
ذوق پارسائی کیا فیض تنگ دستی ہے
دیدنی ہے یاسؔ اپنے رنج و غم کی طغیانی
جھوم جھوم کر کیا کیا یہ گھٹا برستی ہے