जुनून-ए-इश्क़ ये क्या रंग-ए-महफ़िल है जहाँ मैं हूँ
जो आलम है मिरा ही आलम-ए-दिल है जहाँ मैं हूँ
यहाँ तक कार-फ़रमा जज़्ब-ए-कामिल है जहाँ मैं हूँ
कि फ़र्क़-ए-ज़ाहिर-ओ-बातिन भी मुश्किल है जहाँ मैं हूँ
सिवा-ए-हुस्न कोई भी नहीं है मक़्सद-ए-हस्ती
सिवा-ए-इश्क़ हर एहसास-ए-बातिल है जहाँ मैं हूँ
जुनून-ए-ग़म का शिकवा किस से कीजे किस तरह कीजे
तजल्ली ख़ुद शरीक-ए-आलम-ए-दिल है जहाँ मैं हूँ
कुछ ऐसी बे-नियाज़ी सी तलाश-ए-चारागर से है
यहाँ हर रंज गोया राहत-ए-दिल है जहाँ मैं हूँ
मुझे तूफ़ान तो उठते हुए महसूस होते हैं
ब-ज़ाहिर कोई दरिया है न साहिल है जहाँ मैं हूँ
शुऊ'र-ए-हर-हक़ीक़त मुनहसिर दीवानगी पर है
मगर दीवानगी एक कार-ए-मुश्किल है जहाँ मैं हूँ
बक़ा तर्ग़ीब देती है मुझे शौक़-ए-फ़रावाँ की
फ़ना मिनजुमला-ए-आसार-ए-मंज़िल है जहाँ मैं हूँ
लिए जाता है कोई 'कैफ़' वर्ना ये हक़ीक़त है
यहाँ तो दो क़दम चलना भी मुश्किल है जहाँ मैं हूँ
junūn-e-ishq ye kyā rañg-e-mahfil hai jahāñ maiñ huuñ
jo aalam hai mirā hī ālam-e-dil hai jahāñ maiñ huuñ
yahāñ tak kār-farmā jazb-e-kāmil hai jahāñ maiñ huuñ
ki farq-e-zāhir-o-bātin bhī mushkil hai jahāñ maiñ huuñ
sivā-e-husn koī bhī nahīñ hai maqsad-e-hastī
sivā-e-ishq har ehsās-e-bātil hai jahāñ maiñ huuñ
junūn-e-ġham kā shikva kis se kiije kis tarah kiije
tajallī ḳhud sharīk-e-ālam-e-dil hai jahāñ maiñ huuñ
kuchh aisī be-niyāzī sī talāsh-e-chāragar se hai
yahāñ har rañj goyā rāhat-e-dil hai jahāñ maiñ huuñ
mujhe tūfān to uThte hue mahsūs hote haiñ
ba-zāhir koī dariyā hai na sāhil hai jahāñ maiñ huuñ
shu.ūr-e-har-haqīqat munhasir dīvāngī par hai
magar dīvāngī ek kār-e-mushkil hai jahāñ maiñ huuñ
baqā tarġhīb detī hai mujhe shauq-e-farāvāñ kī
fanā minjumla-e-āsār-e-manzil hai jahāñ maiñ huuñ
liye jaatā hai koī 'kaif' varna ye haqīqat hai
yahāñ to do qadam chalnā bhī mushkil hai jahāñ maiñ huuñ
جنون عشق یہ کیا رنگ محفل ہے جہاں میں ہوں
جو عالم ہے مرا ہی عالم دل ہے جہاں میں ہوں
یہاں تک کار فرما جذب کامل ہے جہاں میں ہوں
کہ فرق ظاہر و باطن بھی مشکل ہے جہاں میں ہوں
سوائے حسن کوئی بھی نہیں ہے مقصد ہستی
سوائے عشق ہر احساس باطل ہے جہاں میں ہوں
جنون غم کا شکوہ کس سے کیجے کس طرح کیجے
تجلی خود شریک عالم دل ہے جہاں میں ہوں
کچھ ایسی بے نیازی سی تلاش چارہ گر سے ہے
یہاں ہر رنج گویا راحت دل ہے جہاں میں ہوں
مجھے طوفان تو اٹھتے ہوئے محسوس ہوتے ہیں
بظاہر کوئی دریا ہے نہ ساحل ہے جہاں میں ہوں
شعور ہر حقیقت منحصر دیوانگی پر ہے
مگر دیوانگی ایک کار مشکل ہے جہاں میں ہوں
بقا ترغیب دیتی ہے مجھے شوق فراواں کی
فنا منجملہ آثار منزل ہے جہاں میں ہوں
لئے جاتا ہے کوئی کیفؔ ورنہ یہ حقیقت ہے
یہاں تو دو قدم چلنا بھی مشکل ہے جہاں میں ہوں