जुनून-ए-इश्क़ किसी को भी यूँ न रास आए
वो मेरे पास तो आए मगर उदास आए
जिसे हयात किसी रुख़ से भी न रास आए
किसी के पास न जाए हमारे पास आए
वहाँ से जल्द गुज़र जाएँ रहरवान-ए-हयात
जहाँ भी राह में कोई मक़ाम-ए-यास आए
फ़िराक़-ओ-वस्ल की रूदाद मुख़्तसर ये है
कभी वो पास से गुज़रे कभी वो पास आए
कुछ ऐसे लोग भी देखे जो बज़्म-ए-जानाँ में
उदास उदास गए और उदास उदास आए
ये इज़्तिराब नहीं ने'मत-ए-मुसलसल है
ख़ुदा करे कोई आलम मुझे न रास आए
किसी ने एक इशारे को भी नहीं समझा
हुज़ूर दोस्त बहुत से अदा-शनास आए
ग़म-ए-हयात-ओ-ग़म-ए-दहर बख़्शने वाले
इक ऐसा ग़म भी अता कर जो दिल को रास आए
अदब में 'कैफ़' का दम भी बहुत ग़नीमत है
मुहाल है कि अब ऐसा सुख़न-शनास आए
junūn-e-ishq kisī ko bhī yuuñ na raas aa.e
vo mere paas to aa.e magar udaas aa.e
jise hayāt kisī ruḳh se bhī na raas aa.e
kisī ke paas na jaa.e hamāre paas aa.e
vahāñ se jald guzar jaa.eñ rahravān-e-hayāt
jahāñ bhī raah meñ koī maqām-e-yās aa.e
firāq-o-vasl kī rūdād muḳhtasar ye hai
kabhī vo paas se guzre kabhī vo paas aa.e
kuchh aise log bhī dekhe jo bazm-e-jānāñ meñ
udaas udaas ga.e aur udaas udaas aa.e
ye iztirāb nahīñ ne.amat-e-musalsal hai
ḳhudā kare koī aalam mujhe na raas aa.e
kisī ne ek ishāre ko bhī nahīñ samjhā
huzūr dost bahut se adā-shanās aa.e
ġham-e-hayāt-o-ġham-e-dahr baḳhshne vaale
ik aisā ġham bhī atā kar jo dil ko raas aa.e
adab meñ 'kaif' kā dam bhī bahut ġhanīmat hai
muhāl hai ki ab aisā suḳhan-shanās aa.e
جنون عشق کسی کو بھی یوں نہ راس آئے
وہ میرے پاس تو آئے مگر اداس آئے
جسے حیات کسی رخ سے بھی نہ راس آئے
کسی کے پاس نہ جائے ہمارے پاس آئے
وہاں سے جلد گزر جائیں رہروان حیات
جہاں بھی راہ میں کوئی مقام یاس آئے
فراق و وصل کی روداد مختصر یہ ہے
کبھی وہ پاس سے گزرے کبھی وہ پاس آئے
کچھ ایسے لوگ بھی دیکھے جو بزم جاناں میں
اداس اداس گئے اور اداس اداس آئے
یہ اضطراب نہیں نعمت مسلسل ہے
خدا کرے کوئی عالم مجھے نہ راس آئے
کسی نے ایک اشارے کو بھی نہیں سمجھا
حضور دوست بہت سے ادا شناس آئے
غم حیات و غم دہر بخشنے والے
اک ایسا غم بھی عطا کر جو دل کو راس آئے
ادب میں کیفؔ کا دم بھی بہت غنیمت ہے
محال ہے کہ اب ایسا سخن شناس آئے