जोश-ओ-ख़रोश पर है बहार-ए-चमन हनूज़
पीते हैं नौ-जवान शराब-ए-कुहन हनूज़
पाता नहीं मैं यार को मेल-ए-सुख़न हनूज़
मादूम है कमर की तरह से दहन हनूज़
बरसों से रो रहा हूँ शब-ओ-रोज़ मुत्तसिल
हँसते हैं मुद्दतों से मिरे ज़ख़्म-ए-तन हनूज़
रुख़्सार-ए-यार पर नहीं आग़ाज़-ए-ख़त अभी
देखा नहीं इन आँखों ने सूरज गहन हनूज़
अंजाम-ए-कार का नहीं आता ख़याल कुछ
ग़ुर्बत में भूले बैठे हैं यार-ए-वतन हनूज़
आलम उन अबरुओं की कजी का जो है सो है
बल खा रही है ज़ुल्फ़-ए-शिकन-दर-शिकन हनूज़
ख़िलअत की क्या उमीद रखें आसमाँ से हम
उस ने तो दाब रक्खा है अपना कफ़न हनूज़
आलम हिजाब-ए-यार का ता-हाल है वही
ख़ल्वत-नशीं है रौशनी-ए-अंजुमन हनूज़
अपने सफा-ए-सीना का हैरान कार है
देखा नहीं है आइने ने वो बदन हनूज़
हर-चंद बाग़-ए-दहर में मुद्दत से हूँ मुक़ीम
'आतिश' नज़र पड़ा न वो सेब-ए-ज़क़न हनूज़
josh-o-ḳharosh par hai bahār-e-chaman hanūz
piite haiñ nau-javān sharāb-e-kuhan hanūz
paatā nahīñ maiñ yaar ko mel-e-suḳhan hanūz
ma.adūm hai kamar kī tarah se dahan hanūz
barsoñ se ro rahā huuñ shab-o-roz muttasil
hañste haiñ muddatoñ se mire zaḳhm-e-tan hanūz
ruḳhsār-e-yār par nahīñ āġhāz-e-ḳhat abhī
dekhā nahīñ in āñkhoñ ne sūraj gahan hanūz
anjām-e-kār kā nahīñ aatā ḳhayāl kuchh
ġhurbat meñ bhūle baiThe haiñ yār-e-vatan hanūz
aalam un abruoñ kī kajī kā jo hai so hai
bal khā rahī hai zulf-e-shikan-dar-shikan hanūz
ḳhil.at kī kyā umiid rakheñ āsmāñ se ham
us ne to daab rakkhā hai apnā kafan hanūz
aalam hijāb-e-yār kā tā-hāl hai vahī
ḳhalvat-nashīñ hai raushnī-e-anjuman hanūz
apne safā-e-sīna kā hairān kaar hai
dekhā nahīñ hai aa.ine ne vo badan hanūz
har-chand bāġh-e-dahr meñ muddat se huuñ muqīm
'ātish' nazar paḌā na vo seb-e-zaqan hanūz
جوش و خروش پر ہے بہار چمن ہنوز
پیتے ہیں نوجوان شراب کہن ہنوز
پاتا نہیں میں یار کو میل سخن ہنوز
معدوم ہے کمر کی طرح سے دہن ہنوز
برسوں سے رو رہا ہوں شب و روز متصل
ہنستے ہیں مدتوں سے مرے زخم تن ہنوز
رخسار یار پر نہیں آغاز خط ابھی
دیکھا نہیں ان آنکھوں نے سورج گہن ہنوز
انجام کار کا نہیں آتا خیال کچھ
غربت میں بھولے بیٹھے ہیں یار وطن ہنوز
عالم ان ابرووں کی کجی کا جو ہے سو ہے
بل کھا رہی ہے زلف شکن در شکن ہنوز
خلعت کی کیا امید رکھیں آسماں سے ہم
اس نے تو داب رکھا ہے اپنا کفن ہنوز
عالم حجاب یار کا تا حال ہے وہی
خلوت نشیں ہے روشنیٔ انجمن ہنوز
اپنے صفائے سینہ کا حیران کار ہے
دیکھا نہیں ہے آئنے نے وہ بدن ہنوز
ہر چند باغ دہر میں مدت سے ہوں مقیم
آتشؔ نظر پڑا نہ وہ سیب ذقن ہنوز