जो हो सकता है उस से वो किसी से हो नहीं सकता
मगर देखो तो फिर कुछ आदमी से हो नहीं सकता
मोहब्बत में करे क्या कुछ किसी से हो नहीं सकता
मिरा मरना भी तो मेरी ख़ुशी से हो नहीं सकता
अलग करना रक़ीबों का इलाही तुझ को आसाँ है
मुझे मुश्किल कि मेरी बेकसी से हो नहीं सकता
किया है वा'दा-ए-फ़र्दा उन्हों ने देखिए क्या हो
यहाँ सब्र ओ तहम्मुल आज ही से हो नहीं सकता
ये मुश्ताक़-ए-शहादत किस जगह जाएँ किसे ढूँडें
कि तेरा काम क़ातिल जब तुझी से हो नहीं सकता
लगा कर तेग़ क़िस्सा पाक कीजे दाद-ख़्वाहों का
किसी का फ़ैसला गर मुंसिफ़ी से हो नहीं सकता
मिरा दुश्मन ब-ज़ाहिर चार दिन को दोस्त है तेरा
किसी का हो रहे ये हर किसी से हो नहीं सकता
दम-ए-पुर्सिश कहोगे क्या वहाँ जब याँ ये सूरत है
अदा इक हर्फ़-ए-वादा नाज़ुकी से हो नहीं सकता
न कहिए गो कि हाल-ए-दिल मगर रंग-आश्ना हैं हम
ये ज़ाहिर आप की क्या ख़ामुशी से हो नहीं सकता
किया जो हम ने ज़ालिम क्या करेगा ग़ैर मुँह क्या है
करे तो सब्र ऐसा आदमी से हो नहीं सकता
चमन में नाज़ बुलबुल ने किया जो अपनी नाले पर
चटक कर ग़ुंचा बोला क्या किसी से हो नहीं सकता
नहीं गर तुझ पे क़ाबू दिल ही पर कुछ ज़ोर हो अपना
करूँ क्या ये भी तो ना-ताक़ती से हो नहीं सकता
न रोना है तरीक़े का न हँसना है सलीक़े का
परेशानी में कोई काम जी से हो नहीं सकता
हुआ हूँ इस क़दर महजूब 'अर्ज़-ए-मुद्द'आ कर के
कि अब तो 'उज़्र भी शर्मिंदगी से हो नहीं सकता
ग़ज़ब में जान है क्या कीजे बदला रंज-ए-फ़ुर्क़त का
बदी से कर नहीं सकते ख़ुशी से हो नहीं सकता
मज़ा जो इज़्तिराब-ए-शौक़ से 'आशिक़ को है हासिल
वो तस्लीम ओ रज़ा ओ बंदगी से हो नहीं सकता
ख़ुदा जब दोस्त है ऐ 'दाग़' क्या दुश्मन से अंदेशा
हमारा कुछ किसी की दुश्मनी से हो नहीं सकता
jo ho saktā hai us se vo kisī se ho nahīñ saktā
magar dekho to phir kuchh aadmī se ho nahīñ saktā
mohabbat meñ kare kyā kuchh kisī se ho nahīñ saktā
mirā marnā bhī to merī ḳhushī se ho nahīñ saktā
alag karnā raqīboñ kā ilāhī tujh ko āsāñ hai
mujhe mushkil ki merī bekasī se ho nahīñ saktā
kiyā hai vā'da-e-fardā unhoñ ne dekhiye kyā ho
yahāñ sabr o tahammul aaj hī se ho nahīñ saktā
ye mushtāq-e-shahādat kis jagah jaa.eñ kise DhūñDeñ
ki terā kaam qātil jab tujhī se ho nahīñ saktā
lagā kar teġh qissa paak kiije dād-ḳhvāhoñ kā
kisī kā faisla gar munsifī se ho nahīñ saktā
mirā dushman ba-zāhir chaar din ko dost hai terā
kisī kā ho rahe ye har kisī se ho nahīñ saktā
dam-e-pursish kahoge kyā vahāñ jab yaañ ye sūrat hai
adā ik harf-e-vāda nāzukī se ho nahīñ saktā
na kahiye go ki hāl-e-dil magar rañg-āshnā haiñ ham
ye zāhir aap kī kyā ḳhāmushī se ho nahīñ saktā
kiyā jo ham ne zālim kyā karegā ġhair muñh kyā hai
kare to sabr aisā aadmī se ho nahīñ saktā
chaman meñ naaz bulbul ne kiyā jo apnī naale par
chaTak kar ġhuncha bolā kyā kisī se ho nahīñ saktā
nahīñ gar tujh pe qaabū dil hī par kuchh zor ho apnā
karūñ kyā ye bhī to nā-tāqatī se ho nahīñ saktā
na ronā hai tarīqe kā na hañsnā hai salīqe kā
pareshānī meñ koī kaam jī se ho nahīñ saktā
huā huuñ is qadar mahjūb 'arz-e-mudda'ā kar ke
ki ab to 'uzr bhī sharmindagī se ho nahīñ saktā
ġhazab meñ jaan hai kyā kiije badla ranj-e-furqat kā
badī se kar nahīñ sakte ḳhushī se ho nahīñ saktā
mazā jo iztirāb-e-shauq se 'āshiq ko hai hāsil
vo taslīm o razā o bandagī se ho nahīñ saktā
ḳhudā jab dost hai ai 'dāġh' kyā dushman se andesha
hamārā kuchh kisī kī dushmanī se ho nahīñ saktā
جو ہو سکتا ہے اس سے وہ کسی سے ہو نہیں سکتا
مگر دیکھو تو پھر کچھ آدمی سے ہو نہیں سکتا
محبت میں کرے کیا کچھ کسی سے ہو نہیں سکتا
مرا مرنا بھی تو میری خوشی سے ہو نہیں سکتا
الگ کرنا رقیبوں کا الٰہی تجھ کو آساں ہے
مجھے مشکل کہ میری بیکسی سے ہو نہیں سکتا
کیا ہے وعدۂ فردا انہوں نے دیکھیے کیا ہو
یہاں صبر و تحمل آج ہی سے ہو نہیں سکتا
یہ مشتاق شہادت کس جگہ جائیں کسے ڈھونڈیں
کہ تیرا کام قاتل جب تجھی سے ہو نہیں سکتا
لگا کر تیغ قصہ پاک کیجے دادخواہوں کا
کسی کا فیصلہ گر منصفی سے ہو نہیں سکتا
مرا دشمن بظاہر چار دن کو دوست ہے تیرا
کسی کا ہو رہے یہ ہر کسی سے ہو نہیں سکتا
دم پرسش کہو گے کیا وہاں جب یاں یہ صورت ہے
ادا اک حرف وعدہ نازکی سے ہو نہیں سکتا
نہ کہئے گو کہ حال دل مگر رنگ آشنا ہیں ہم
یہ ظاہر آپ کی کیا خامشی سے ہو نہیں سکتا
کیا جو ہم نے ظالم کیا کرے گا غیر منہ کیا ہے
کرے تو صبر ایسا آدمی سے ہو نہیں سکتا
چمن میں ناز بلبل نے کیا جو اپنی نالے پر
چٹک کر غنچہ بولا کیا کسی سے ہو نہیں سکتا
نہیں گر تجھ پہ قابو دل ہی پر کچھ زور ہو اپنا
کروں کیا یہ بھی تو نا طاقتی سے ہو نہیں سکتا
نہ رونا ہے طریقے کا نہ ہنسنا ہے سلیقے کا
پریشانی میں کوئی کام جی سے ہو نہیں سکتا
ہوا ہوں اس قدر محجوب عرض مدعا کر کے
کہ اب تو عذر بھی شرمندگی سے ہو نہیں سکتا
غضب میں جان ہے کیا کیجے بدلہ رنج فرقت کا
بدی سے کر نہیں سکتے خوشی سے ہو نہیں سکتا
مزا جو اضطراب شوق سے عاشق کو ہے حاصل
وہ تسلیم و رضا و بندگی سے ہو نہیں سکتا
خدا جب دوست ہے اے داغؔ کیا دشمن سے اندیشہ
ہمارا کچھ کسی کی دشمنی سے ہو نہیں سکتا