जो हमारे सफ़र का क़िस्सा है
वो तिरी रहगुज़र का क़िस्सा है
सुब्ह तक ख़त्म हो ही जाएगा
ज़िंदगी रात भर का क़िस्सा है
दिल की बातें ज़बाँ पे क्यूँ लाओ
घर में रहने दो घर का क़िस्सा है
कोई तलवार क्या बताएगी
दोश का और सर का क़िस्सा है
होश आ जाए तो सुनाऊँगा
चश्म-ए-दीवाना-गर का क़िस्सा है
चलते रहना तो कोई बात न थी
सिर्फ़ सम्त-ए-सफ़र का क़िस्सा है
जीते-जी ख़त्म हो नहीं सकता
ज़िंदगी उम्र भर का क़िस्सा है
शाम को हम सुनाएँगे तुम को
शब-ए-ग़म की सहर का क़िस्सा है
तेरे नक़्श-ए-क़दम की बात नहीं
सिर्फ़ शम्स ओ क़मर का क़िस्सा है
दामन-ए-ख़ुश्क लाओ फिर सुनना
ये मिरी चश्म-ए-तर का क़िस्सा है
चंद तिनके न थे नशेमन के
बाग़-ओ-शाख़-ओ-शजर का क़िस्सा है
हल्क़ में चुभ रहे हैं काँटे से
लब पे गुल-हा-ए-तर का क़िस्सा है
मेरी बर्बादियों का हाल न पूछ
एक नीची नज़र का क़िस्सा है
उसी बेदाद-गर से कह दे 'सबा'
उसी बेदाद-गर का क़िस्सा है
jo hamāre safar kā qissa hai
vo tirī rahguzar kā qissa hai
sub.h tak ḳhatm ho hī jā.egā
zindagī raat bhar kā qissa hai
dil kī bāteñ zabāñ pe kyuuñ laao
ghar meñ rahne do ghar kā qissa hai
koī talvār kyā batā.egī
dosh kā aur sar kā qissa hai
hosh aa jaa.e to sunā.ūñgā
chashm-e-dīvāna-gar kā qissa hai
chalte rahnā to koī baat na thī
sirf samt-e-safar kā qissa hai
jīte-jī ḳhatm ho nahīñ saktā
zindagī umr bhar kā qissa hai
shaam ko ham sunā.eñge tum ko
shab-e-ġham kī sahar kā qissa hai
tere naqsh-e-qadam kī baat nahīñ
sirf shams o qamar kā qissa hai
dāman-e-ḳhushk laao phir sunñā
ye mirī chashm-e-tar kā qissa hai
chand tinke na the nasheman ke
bāġh-o-shāḳh-o-shajar kā qissa hai
halq meñ chubh rahe haiñ kāñTe se
lab pe gul-hā-e-tar kā qissa hai
merī barbādiyoñ kā haal na pūchh
ek nīchī nazar kā qissa hai
usī bedād-gar se kah de 'sabā'
usī bedād-gar kā qissa hai
جو ہمارے سفر کا قصہ ہے
وہ تری رہ گزر کا قصہ ہے
صبح تک ختم ہو ہی جائے گا
زندگی رات بھر کا قصہ ہے
دل کی باتیں زباں پہ کیوں لاؤ
گھر میں رہنے دو گھر کا قصہ ہے
کوئی تلوار کیا بتائے گی
دوش کا اور سر کا قصہ ہے
ہوش آ جائے تو سناؤں گا
چشم دیوانہ گر کا قصہ ہے
چلتے رہنا تو کوئی بات نہ تھی
صرف سمت سفر کا قصہ ہے
جیتے جی ختم ہو نہیں سکتا
زندگی عمر بھر کا قصہ ہے
شام کو ہم سنائیں گے تم کو
شب غم کی سحر کا قصہ ہے
تیرے نقش قدم کی بات نہیں
صرف شمس و قمر کا قصہ ہے
دامن خشک لاؤ پھر سننا
یہ مری چشم تر کا قصہ ہے
چند تنکے نہ تھے نشیمن کے
باغ و شاخ و شجر کا قصہ ہے
حلق میں چبھ رہے ہیں کانٹے سے
لب پہ گل ہائے تر کا قصہ ہے
میری بربادیوں کا حال نہ پوچھ
ایک نیچی نظر کا قصہ ہے
اسی بیداد گر سے کہہ دے صباؔ
اسی بیداد گر کا قصہ ہے