जो दिलबर की मोहब्बत दिल से बदले
तो लूँ उम्मीद-ए-ला-हासिल से बदले
मुहाल-ए-अक़्ल कोई शय नहीं है
जो आसानी मिरी मुश्किल से बदले
जहाँ है कोर और ख़ुर्शीद महजूब
कहाँ तक शम्अ' हर महफ़िल से बदले
तही-दस्त-ए-मोहब्बत तो भी समझो
जो जम-साग़र को जाम-ए-गिल से बदले
हर इक को जान देने की ख़ुशी हो
अजल गर नावक-ए-क़ातिल से बदले
अगर हो चीं-जबीं क़ातिल दम-ए-क़त्ल
क़यामत क़ामत-ए-क़ातिल से बदले
अभी हम तो अदू से भी बदल लें
जो ग़म को ग़म से दिल को दिल से बदले
खुले अहवाल-ए-दिल जब नासेहों पर
तह-ए-दरिया अगर साहिल से बदले
शबिस्ताँ छोड़ कर लैला हो मजनूँ
मिरी आग़ोश गर महमिल से बदले
न जुम्बिश इक क़दम हो आसमाँ से
मिरी मंज़िल अगर मंज़िल से बदले
बुतों का जल्वा काबे में दिखा दें
ज़रा तक़्वा दिल-ए-माइल से बदले
'क़लक़' उस ज़ुल्म का फिर क्या ठिकाना
अगर मक़्तूल ले क़ातिल से बदले
jo dilbar kī mohabbat dil se badle
to luuñ ummīd-e-lā-hāsil se badle
muhāl-e-aql koī shai nahīñ hai
jo āsānī mirī mushkil se badle
jahāñ hai kor aur ḳhurshīd mahjūb
kahāñ tak sham.a har mahfil se badle
tahī-dast-e-mohabbat to bhī samjho
jo jam-sāġhar ko jām-e-gil se badle
har ik ko jaan dene kī ḳhushī ho
ajal gar nāvak-e-qātil se badle
agar ho chīñ-jabīñ qātil dam-e-qatl
qayāmat qāmat-e-qātil se badle
abhī ham to adū se bhī badal leñ
jo ġham ko ġham se dil ko dil se badle
khule ahvāl-e-dil jab nāsehoñ par
tah-e-dariyā agar sāhil se badle
shabistāñ chhoḌ kar lailā ho majnūñ
mirī āġhosh gar mahmil se badle
na jumbish ik qadam ho āsmāñ se
mirī manzil agar manzil se badle
butoñ kā jalva ka.abe meñ dikhā deñ
zarā taqvā dil-e-mā.il se badle
'qalaq' us zulm kā phir kyā Thikānā
agar maqtūl le qātil se badle
جو دل بر کی محبت دل سے بدلے
تو لوں امید لا حاصل سے بدلے
محال عقل کوئی شے نہیں ہے
جو آسانی مری مشکل سے بدلے
جہاں ہے کور اور خورشید محجوب
کہاں تک شمع ہر محفل سے بدلے
تہی دست محبت تو بھی سمجھو
جو جم ساغر کو جام گل سے بدلے
ہر اک کو جان دینے کی خوشی ہو
اجل گر ناوک قاتل سے بدلے
اگر ہو چیں جبیں قاتل دم قتل
قیامت قامت قاتل سے بدلے
ابھی ہم تو عدو سے بھی بدل لیں
جو غم کو غم سے دل کو دل سے بدلے
کھلے احوال دل جب ناصحوں پر
تہہ دریا اگر ساحل سے بدلے
شبستاں چھوڑ کر لیلیٰ ہو مجنوں
مری آغوش گر محمل سے بدلے
نہ جنبش اک قدم ہو آسماں سے
مری منزل اگر منزل سے بدلے
بتوں کا جلوہ کعبے میں دکھا دیں
ذرا تقویٰ دل مائل سے بدلے
قلقؔ اس ظلم کا پھر کیا ٹھکانا
اگر مقتول لے قاتل سے بدلے