जो दिल क़ाबू में हो तो कोई रुस्वा-ए-जहाँ क्यूँ हो
ख़लिश क्यूँ हो तपिश क्यूँ हो क़लक़ क्यूँ हो फ़ुग़ाँ क्यूँ हो
मज़ा आता नहीं थम थम के हम को रंज-ओ-राहत का
ख़ुशी हो ग़म हो जो कुछ हो इलाही ना-गहाँ क्यूँ हो
ये मिसरा' लिख दिया ज़ालिम ने मेरी लौह-ए-तुर्बत पर
जो हो फ़ुर्क़त की बेताबी तो यूँ ख़्वाब-ए-गिराँ क्यूँ हो
हमेशा आदमी का आदमी ग़म-ख़्वार होता है
यही बे-ए'तिबारी हो तो कोई राज़दाँ क्यूँ हो
बहुत निकलेंगे रोज़-ए-हश्र तेरे जौर के ख़्वाहाँ
सितम का हौसला दुनिया में सर्फ़-ए-इम्तिहाँ क्यूँ हो
ग़ज़ब आया सितम टूटा क़यामत हो गई बरपा
ये पूछा था कि तुम आज़ुर्दा मुझ से मेरी जाँ क्यूँ हो
उन्हीं को रंजिश-ए-बेजा है लेकिन है तो हम से है
मोहब्बत गर न हो बाहम शिकायत दरमियाँ क्यूँ हो
गए ठुकरा के मुझ को और फिर कहते गए ये भी
नसीब-ए-दुश्मनाँ तो पाएमाल-ए-आसमाँ क्यूँ हो
नई ताकीद है ज़ब्त-ए-मोहब्बत की वो कहते हैं
जिगर हो तो फ़ुग़ाँ क्यूँ हो दहन हो तो ज़बाँ क्यूँ हो
शरीक-ए-दौर-ए-मय बज़्म-ए-अदू में ख़ाक होते हम
किसी ने रात-भर इतना न पूछा तुम यहाँ क्यूँ हो
तहम्मुल कर सके क्या हुस्न-ए-नाज़ुक उन निगाहों का
उसे मैं ने छुपाया है वगर्ना वो निहाँ क्यूँ हो
ख़ुदा शाहिद ख़ुदा शाहिद है क्यूँ कहते हो वा'दों पर
ख़ुदा को क्या ग़रज़ मेरे तुम्हारे दरमियाँ क्यूँ हो
जिगर से कम नहीं ऐ चारागर दाग़-ए-जिगर मुझ को
जो पैदा की हो मर मर के वो दौलत राएगाँ क्यूँ हो
नवेद-ए-जाँ-फ़िज़ा है क्या ख़बर क़ातिल के आने की
बताओ तो सही तुम 'दाग़' ऐसे शादमाँ क्यूँ हो
jo dil qaabū meñ ho to koī rusvā-e-jahāñ kyuuñ ho
ḳhalish kyuuñ ho tapish kyuuñ ho qalaq kyuuñ ho fuġhāñ kyuuñ ho
mazā aatā nahīñ tham tham ke ham ko ranj-o-rāhat kā
ḳhushī ho ġham ho jo kuchh ho ilāhī nā-gahāñ kyuuñ ho
ye misra' likh diyā zālim ne merī lauh-e-turbat par
jo ho furqat kī betābī to yuuñ ḳhvāb-e-girāñ kyuuñ ho
hamesha aadmī kā aadmī ġham-ḳhvār hotā hai
yahī be-e'tibārī ho to koī rāzdāñ kyuuñ ho
bahut nikleñge roz-e-hashr tere jaur ke ḳhvāhāñ
sitam kā hausla duniyā meñ sarf-e-imtihāñ kyuuñ ho
ġhazab aayā sitam TuuTā qayāmat ho ga.ī barpā
ye pūchhā thā ki tum āzurda mujh se merī jaañ kyuuñ ho
unhīñ ko ranjish-e-bejā hai lekin hai to ham se hai
mohabbat gar na ho bāham shikāyat darmiyāñ kyuuñ ho
ga.e Thukrā ke mujh ko aur phir kahte ga.e ye bhī
nasīb-e-dushmanāñ to pā.emāl-e-āsmāñ kyuuñ ho
na.ī tākīd hai zabt-e-mohabbat kī vo kahte haiñ
jigar ho to fuġhāñ kyuuñ ho dahan ho to zabāñ kyuuñ ho
sharīk-e-daur-e-mai bazm-e-adū meñ ḳhaak hote ham
kisī ne rāt-bhar itnā na pūchhā tum yahāñ kyuuñ ho
tahammul kar sake kyā husn-e-nāzuk un nigāhoñ kā
use maiñ ne chhupāyā hai vagarna vo nihāñ kyuuñ ho
ḳhudā shāhid ḳhudā shāhid hai kyuuñ kahte ho vā'doñ par
ḳhudā ko kyā ġharaz mere tumhāre darmiyāñ kyuuñ ho
jigar se kam nahīñ ai chāragar dāġh-e-jigar mujh ko
jo paidā kī ho mar mar ke vo daulat rā.egāñ kyuuñ ho
naved-e-jāñ-fizā hai kyā ḳhabar qātil ke aane kī
batāo to sahī tum 'dāġh' aise shādmāñ kyuuñ ho
جو دل قابو میں ہو تو کوئی رسوائے جہاں کیوں ہو
خلش کیوں ہو تپش کیوں ہو قلق کیوں ہو فغاں کیوں ہو
مزا آتا نہیں تھم تھم کے ہم کو رنج و راحت کا
خوشی ہو غم ہو جو کچھ ہو الٰہی ناگہاں کیوں ہو
یہ مصرع لکھ دیا ظالم نے میری لوح تربت پر
جو ہو فرقت کی بیتابی تو یوں خواب گراں کیوں ہو
ہمیشہ آدمی کا آدمی غم خوار ہوتا ہے
یہی بے اعتباری ہو تو کوئی راز داں کیوں ہو
بہت نکلیں گے روز حشر تیرے جور کے خواہاں
ستم کا حوصلہ دنیا میں صرف امتحاں کیوں ہو
غضب آیا ستم ٹوٹا قیامت ہو گئی برپا
یہ پوچھا تھا کہ تم آزردہ مجھ سے میری جاں کیوں ہو
انہیں کو رنجش بے جا ہے لیکن ہے تو ہم سے ہے
محبت گر نہ ہو باہم شکایت درمیاں کیوں ہو
گئے ٹھکرا کے مجھ کو اور پھر کہتے گئے یہ بھی
نصیب دشمناں تو پائمال آسماں کیوں ہو
نئی تاکید ہے ضبط محبت کی وہ کہتے ہیں
جگر ہو تو فغاں کیوں ہو دہن ہو تو زباں کیوں ہو
شریک دور مے بزم عدو میں خاک ہوتے ہم
کسی نے رات بھر اتنا نہ پوچھا تم یہاں کیوں ہو
تحمل کر سکے کیا حسن نازک ان نگاہوں کا
اسے میں نے چھپایا ہے وگرنہ وہ نہاں کیوں ہو
خدا شاہد خدا شاہد ہے کیوں کہتے ہو وعدوں پر
خدا کو کیا غرض میرے تمہارے درمیاں کیوں ہو
جگر سے کم نہیں اے چارہ گر داغ جگر مجھ کو
جو پیدا کی ہو مر مر کے وہ دولت رائیگاں کیوں ہو
نوید جاں فزا ہے کیا خبر قاتل کے آنے کی
بتاؤ تو سہی تم داغؔ ایسے شادماں کیوں ہو