जो दिल नहीं रखता कोई मुश्किल नहीं रखता
मुश्किल नहीं रखता कोई जो दिल नहीं रखता
खींचे लिए जाता है कहीं शौक़-ए-शहादत
दम लेने की ताब अब दिल-ए-बिस्मिल नहीं रखता
हों रेग के मानिंद शब-ओ-रोज़ सफ़र में
आवारा-ए-वहशत कोई मंज़िल नहीं रखता
मजबूर हूँ क्या ज़ोर चले जोश-ए-जुनूँ से
ज़ंजीर कोई पाँव के क़ाबिल नहीं रखता
का'बे से हो या देर से मंज़िल पे पहुँच जाऊँ
इक धुन है तमीज़-ए-हक़-ओ-बातिल नहीं रखता
मय-ख़ाने को देखे कोई इन आँखों से ग़ाफ़िल
इक नूर का दरिया है कि साहिल नहीं रखता
कौसर भी खिंच आए तो ये निय्यत नहीं भरती
दरिया-ए-हवस वो है कि साहिल नहीं रखता
आया न कोई ख़्वाब में भी मुल्क-ए-'अदम से
अफ़्सोस कि इतनी भी कशिश दिल नहीं रखता
लैला को भला देखेगा किन आँखों से मजनूँ
जब ताक़त-ए-नज़्ज़ारा-ए-महमिल नहीं रखता
क्यूँ 'यास' क़फ़स में भी वही ज़मज़मा-संजी
ऐसा तो ज़माने में कोई दिल नहीं रखता
jo dil nahīñ rakhtā koī mushkil nahīñ rakhtā
mushkil nahīñ rakhtā koī jo dil nahīñ rakhtā
khīñche liye jaatā hai kahīñ shauq-e-shahādat
dam lene kī taab ab dil-e-bismil nahīñ rakhtā
hoñ reg ke mānind shab-o-roz safar meñ
āvāra-e-vahshat koī manzil nahīñ rakhtā
majbūr huuñ kyā zor chale josh-e-junūñ se
zanjīr koī paañv ke qābil nahīñ rakhtā
kā'be se ho yā der se manzil pe pahuñch jā.ūñ
ik dhun hai tamīz-e-haq-o-bātil nahīñ rakhtā
mai-ḳhāne ko dekhe koī in āñkhoñ se ġhāfil
ik nuur kā dariyā hai ki sāhil nahīñ rakhtā
kausar bhī khiñch aa.e to ye niyyat nahīñ bhartī
dariyā-e-havas vo hai ki sāhil nahīñ rakhtā
aayā na koī ḳhvāb meñ bhī mulk-e-'adam se
afsos ki itnī bhī kashish dil nahīñ rakhtā
lailā ko bhalā dekhegā kin āñkhoñ se majnūñ
jab tāqat-e-nazzāra-e-mahamil nahīñ rakhtā
kyuuñ 'yās' qafas meñ bhī vahī zamzama-sanjī
aisā to zamāne meñ koī dil nahīñ rakhtā
جو دل نہیں رکھتا کوئی مشکل نہیں رکھتا
مشکل نہیں رکھتا کوئی جو دل نہیں رکھتا
کھینچے لیے جاتا ہے کہیں شوق شہادت
دم لینے کی تاب اب دل بسمل نہیں رکھتا
ہوں ریگ کے مانند شب و روز سفر میں
آوارہ وحشت کوئی منزل نہیں رکھتا
مجبور ہوں کیا زور چلے جوش جنوں سے
زنجیر کوئی پاؤں کے قابل نہیں رکھتا
کعبے سے ہو یا دیر سے منزل پہ پہنچ جاؤں
اک دھن ہے تمیز حق و باطل نہیں رکھتا
مے خانے کو دیکھے کوئی ان آنکھوں سے غافل
اک نور کا دریا ہے کہ ساحل نہیں رکھتا
کوثر بھی کھنچ آئے تو یہ نیت نہیں بھرتی
دریائے ہوس وہ ہے کہ ساحل نہیں رکھتا
آیا نہ کوئی خواب میں بھی ملک عدم سے
افسوس کہ اتنی بھی کشش دل نہیں رکھتا
لیلیٰ کو بھلا دیکھے گا کن آنکھوں سے مجنوں
جب طاقت نظارۂ محمل نہیں رکھتا
کیوں یاسؔ قفس میں بھی وہی زمزمہ سنجی
ایسا تو زمانے میں کوئی دل نہیں رکھتا