जो देखिए तो करम इश्क़ पर ज़रा भी नहीं
जो सोचिए कि ख़फ़ा हैं तो वो ख़फ़ा भी नहीं
वो और होंगे जिन्हें मक़दरत है नालों की
हमें तो हौसला-ए-आह-ए-ना-रसा भी नहीं
हद-ए-तलब से है आगे जुनूँ का इस्तिग़्ना
लबों पे आप से मिलने की अब दुआ भी नहीं
हुसूल हो हमें क्या मुद्दआ' मोहब्बत में
अभी सलीक़ा-ए-इज़हार-ए-मुद्दआ भी नहीं
शगुफ़्त-ए-गुल में भी ज़ख़्म-ए-जिगर की सूरत है
किसी से एक तबस्सुम का आसरा भी नहीं
ज़हे हयात तबीअ'त है ए'तिदाल पसंद
नहीं हैं रिंद अगर हम तो पारसा भी नहीं
सुना तो करते थे लेकिन 'सबा' से मिल भी लिए
भला वो हो कि न हो आदमी बुरा भी नहीं
jo dekhiye to karam ishq par zarā bhī nahīñ
jo sochiye ki ḳhafā haiñ to vo ḳhafā bhī nahīñ
vo aur hoñge jinheñ maqdarat hai nāloñ kī
hameñ to hausla-e-āh-e-nā-rasā bhī nahīñ
had-e-talab se hai aage junūñ kā istiġhnā
laboñ pe aap se milne kī ab duā bhī nahīñ
husūl ho hameñ kyā mudda.ā mohabbat meñ
abhī salīqa-e-iz.hār-e-mudda.ā bhī nahīñ
shaguft-e-gul meñ bhī zaḳhm-e-jigar kī sūrat hai
kisī se ek tabassum kā aasrā bhī nahīñ
zahe hayāt tabī.at hai e'tidāl pasand
nahīñ haiñ rind agar ham to pārsā bhī nahīñ
sunā to karte the lekin 'sabā' se mil bhī liye
bhalā vo ho ki na ho aadmī burā bhī nahīñ
جو دیکھیے تو کرم عشق پر ذرا بھی نہیں
جو سوچیے کہ خفا ہیں تو وہ خفا بھی نہیں
وہ اور ہوں گے جنہیں مقدرت ہے نالوں کی
ہمیں تو حوصلۂ آہ نارسا بھی نہیں
حد طلب سے ہے آگے جنوں کا استغنا
لبوں پہ آپ سے ملنے کی اب دعا بھی نہیں
حصول ہو ہمیں کیا مدعا محبت میں
ابھی سلیقۂ اظہار مدعا بھی نہیں
شگفت گل میں بھی زخم جگر کی صورت ہے
کسی سے ایک تبسم کا آسرا بھی نہیں
زہے حیات طبیعت ہے اعتدال پسند
نہیں ہیں رند اگر ہم تو پارسا بھی نہیں
سنا تو کرتے تھے لیکن صباؔ سے مل بھی لیے
بھلا وہ ہو کہ نہ ہو آدمی برا بھی نہیں