जो बंदा-ए-ख़ुदा था ख़ुदा होने वाला है
क्या कुछ अभी तो जल्वा-नुमा होने वाला है
ये भी दुरुस्त है कि पयम्बर नहीं हूँ मैं
है ये भी सच कि मेरा कहा होने वाला है
कुछ अश्क-ए-ख़ूँ बचा के भी रखिए कि शहर में
जो हो चुका है उस से सिवा होने वाला है
वो वक़्त है कि ख़ल्क़ पे हर ज़ुल्म-ए-ना-रवा
अल्लाह का नाम ले के रवा होने वाला है
इक ख़ौफ़ है कि होने ही वाला है जा-गुज़ीं
इक ख़्वाब है कि सब से जुदा होने वाला है
रंग-ए-हवा में है अजब असरार सा कोई
कोई भी जानता नहीं क्या होने वाला है
ख़ुश था सियाह-ख़ाना-ए-दिल में बहुत लहू
इस क़ैद से मगर ये रिहा होने वाला है
ये तीर आख़िरी है बस उस की कमान में
और वो भी देख लेना ख़ता होने वाला है
इक लहर है कि मुझ में उछलने को है 'ज़फ़र'
इक लफ़्ज़ है कि मुझ से अदा होने वाला है
jo banda-e-ḳhudā thā ḳhudā hone vaalā hai
kyā kuchh abhī to jalva-numā hone vaalā hai
ye bhī durust hai ki payambar nahīñ huuñ maiñ
hai ye bhī sach ki merā kahā hone vaalā hai
kuchh ashk-e-ḳhūñ bachā ke bhī rakhiye ki shahr meñ
jo ho chukā hai us se sivā hone vaalā hai
vo vaqt hai ki ḳhalq pe har zulm-e-nā-ravā
allāh kā naam le ke ravā hone vaalā hai
ik ḳhauf hai ki hone hī vaalā hai jā-guzīñ
ik ḳhvāb hai ki sab se judā hone vaalā hai
rañg-e-havā meñ hai ajab asrār sā koī
koī bhī jāntā nahīñ kyā hone vaalā hai
ḳhush thā siyāh-ḳhāna-e-dil meñ bahut lahū
is qaid se magar ye rihā hone vaalā hai
ye tiir āḳhirī hai bas us kī kamān meñ
aur vo bhī dekh lenā ḳhatā hone vaalā hai
ik lahar hai ki mujh meñ uchhalne ko hai 'zafar'
ik lafz hai ki mujh se adā hone vaalā hai
جو بندۂ خدا تھا خدا ہونے والا ہے
کیا کچھ ابھی تو جلوہ نما ہونے والا ہے
یہ بھی درست ہے کہ پیمبر نہیں ہوں میں
ہے یہ بھی سچ کہ میرا کہا ہونے والا ہے
کچھ اشک خوں بچا کے بھی رکھیے کہ شہر میں
جو ہو چکا ہے اس سے سوا ہونے والا ہے
وہ وقت ہے کہ خلق پہ ہر ظلم ناروا
اللہ کا نام لے کے روا ہونے والا ہے
اک خوف ہے کہ ہونے ہی والا ہے جا گزیں
اک خواب ہے کہ سب سے جدا ہونے والا ہے
رنگ ہوا میں ہے عجب اسرار سا کوئی
کوئی بھی جانتا نہیں کیا ہونے والا ہے
خوش تھا سیاہ خانۂ دل میں بہت لہو
اس قید سے مگر یہ رہا ہونے والا ہے
یہ تیر آخری ہے بس اس کی کمان میں
اور وہ بھی دیکھ لینا خطا ہونے والا ہے
اک لہر ہے کہ مجھ میں اچھلنے کو ہے ظفرؔ
اک لفظ ہے کہ مجھ سے ادا ہونے والا ہے