जिंस-ए-दिल ले कर भरे बाज़ार तक पहुँचा नहीं
एक तक पहुँचा हूँ मैं दो-चार तक पहुँचा नहीं
मेरे पहलू से गुरेज़ाँ है वो मेरा ख़ुश-बदन
इक हिरन है जो अभी तातार तक पहुँचा नहीं
देखने में कुछ नहीं है वक़्त की ये आब-जू
कोई लेकिन उस नदी के पार तक पहुँचा नहीं
काग़ज़ों पर हम लकीरें खींचते ही रह गए
सिलसिला हर्फ़-ए-अबद-आसार तक पहुँचा नहीं
उस को दश्त-ए-ज़िंदगी में कोई मंज़िल कब मिली
जो ग़ज़ाल-ए-वक़्त की रफ़्तार तक पहुँचा नहीं
कुछ न कुछ वामाँदगाँ को दे पज़ीराई का हक़
ठीक है कोई तिरे मेआ'र तक पहुँचा नहीं
तीरगी की जोंक ने सब पी लिया मेरा लहू
कोई सूरज मेरे ज़ख़्म-ए-तार तक पहुँचा नहीं
यार उस मफ़्तूह लड़की में बला का हुस्न था
में ही बुज़दिल था जो दिल की हार तक पहुँचा नहीं
शायरी को ये शरफ़ मुझ से मिला ‘यावर-अज़ीम’
मैं ग़ज़ल ले कर कभी दरबार तक पहुँचा नहीं
jins-e-dil le kar bhare bāzār tak pahuñchā nahīñ
ek tak pahuñchā huuñ maiñ do-chār tak pahuñchā nahīñ
mere pahlū se gurezāñ hai vo merā ḳhush-badan
ik hiran hai jo abhī tātār tak pahuñchā nahīñ
dekhne meñ kuchh nahīñ hai vaqt kī ye āb-jū
koī lekin us nadī ke paar tak pahuñchā nahīñ
kāġhazoñ par ham lakīreñ khīñchte hī rah ga.e
silsila harf-e-abad-āsār tak pahuñchā nahīñ
us ko dasht-e-zindagī meñ koī manzil kab milī
jo ġhazāl-e-vaqt kī raftār tak pahuñchā nahīñ
kuchh na kuchh vāmāñdgāñ ko de pazīrā.ī kā haq
Thiik hai koī tire me.aar tak pahuñchā nahīñ
tīrgī kī joñk ne sab pī liyā merā lahū
koī sūraj mere zaḳhm-e-tār tak pahuñchā nahīñ
yaar us maftūh laḌkī meñ balā kā husn thā
meñ hī buzdil thā jo dil kī haar tak pahuñchā nahīñ
shā.erī ko ye sharaf mujh se milā ‘yāvar-azīm’
maiñ ġhazal le kar kabhī darbār tak pahuñchā nahīñ
جنس دل لے کر بھرے بازار تک پہنچا نہیں
ایک تک پہنچا ہوں میں دو چار تک پہنچا نہیں
میرے پہلو سے گریزاں ہے وہ میرا خوش بدن
اک ہرن ہے جو ابھی تاتار تک پہنچا نہیں
دیکھنے میں کچھ نہیں ہے وقت کی یہ آب جو
کوئی لیکن اس ندی کے پار تک پہنچا نہیں
کاغذوں پر ہم لکیریں کھینچتے ہی رہ گئے
سلسلہ حرف ابد آثار تک پہنچا نہیں
اس کو دشت زندگی میں کوئی منزل کب ملی
جو غزال وقت کی رفتار تک پہنچا نہیں
کچھ نہ کچھ واماندگاں کو دے پذیرائی کا حق
ٹھیک ہے کوئی ترے معیار تک پہنچا نہیں
تیرگی کی جونک نے سب پی لیا میرا لہو
کوئی سورج میرے زخم تار تک پہنچا نہیں
یار اس مفتوح لڑکی میں بلا کا حسن تھا
میں ہی بزدل تھا جو دل کی ہار تک پہنچا نہیں
شاعری کو یہ شرف مجھ سے ملا یاور عظیمؔ
میں غزل لے کر کبھی دربار تک پہنچا نہیں