जज़्बा-ए-इश्क़ अगर दिल में न पैदा होता
मैं समझता हूँ मिरे हक़ में ये अच्छा होता
इस क़दर शिद्दत-ए-ग़म पर तो यही लाज़िम था
दिल न होता मिरा पत्थर का कलेजा होता
बे-ख़ुदी है कि तिरी बज़्म में ले आई है
होश होता तो यहाँ किस लिए रुस्वा होता
इक नज़र देख के कुछ और बढ़ा दी वहशत
इस से अच्छा तो यही था कि न देखा होता
मुझ को मंज़ूर न थी अपनी ही शोहरत वर्ना
मैं तो वो था कि मिरा अर्श पे चर्चा होता
ज़ीस्त भी मौत भी दोनों के तुम्हीं हो मालिक
मुंसिफ़ी ये थी कि हक़ एक पे मेरा होता
कुछ हक़ीक़त न सही हुस्न-ए-अक़ीदत ही सही
'नूर' जीने के लिए कुछ तो सहारा होता
jazba-e-ishq agar dil meñ na paidā hotā
maiñ samajhtā huuñ mire haq meñ ye achchhā hotā
is qadar shiddat-e-ġham par to yahī lāzim thā
dil na hotā mirā patthar kā kaleja hotā
be-ḳhudī hai ki tirī bazm meñ le aa.ī hai
hosh hotā to yahāñ kis liye rusvā hotā
ik nazar dekh ke kuchh aur baḌhā dī vahshat
is se achchhā to yahī thā ki na dekhā hotā
mujh ko manzūr na thī apnī hī shohrat varna
maiñ to vo thā ki mirā arsh pe charchā hotā
ziist bhī maut bhī donoñ ke tumhīñ ho mālik
munsifī ye thī ki haq ek pe merā hotā
kuchh haqīqat na sahī husn-e-aqīdat hī sahī
'nūr' jiine ke liye kuchh to sahārā hotā
جذبۂ عشق اگر دل میں نہ پیدا ہوتا
میں سمجھتا ہوں مرے حق میں یہ اچھا ہوتا
اس قدر شدت غم پر تو یہی لازم تھا
دل نہ ہوتا مرا پتھر کا کلیجہ ہوتا
بے خودی ہے کہ تری بزم میں لے آئی ہے
ہوش ہوتا تو یہاں کس لیے رسوا ہوتا
اک نظر دیکھ کے کچھ اور بڑھا دی وحشت
اس سے اچھا تو یہی تھا کہ نہ دیکھا ہوتا
مجھ کو منظور نہ تھی اپنی ہی شہرت ورنہ
میں تو وہ تھا کہ مرا عرش پہ چرچا ہوتا
زیست بھی موت بھی دونوں کے تمہیں ہو مالک
منصفی یہ تھی کہ حق ایک پہ میرا ہوتا
کچھ حقیقت نہ سہی حسن عقیدت ہی سہی
نورؔ جینے کے لیے کچھ تو سہارا ہوتا