जौहर नहीं हमारे हैं सय्याद पर खुले
ले कर क़फ़स को उड़ गए रक्खा जो पर खुले
शीशे शराब के रहें आठों पहर खुले
ऐसा घिरे कि फिर न कभी अब्र-ए-तर खुले
कुछ तो हमें हक़ीक़त-ए-शम्स-ओ-क़मर खुले
किस कज-कुलह के इश्क़ में फिरते हैं सर खुले
इंसाफ़ को हैं दीदा-ए-अहल-ए-नज़र खुले
पर्दा उठा कि पर्दा-ए-शम्स-ओ-क़मर खुले
रंगरेज़ की दुकाँ में भरे हूँ हज़ार रंग
तुर्रा वो है जो यार की दस्तार पर खुले
क्या चीज़ है इबारत-ए-रंगीं में शरह-ए-शौक़
ख़त की तरह तबीअत-ए-बस्ता अगर खुले
जो चाहें यार से कहीं अग़्यार ग़म नहीं
ख़्वाजा को हैं ग़ुलाम के ऐब-ओ-हुनर खुले
हैवाँ पर आदमी को शरफ़ नुत्क़ से हुआ
शुक्र-ए-ख़ुदा करे जो ज़बान-ए-बशर खुले
यूसुफ़ की इक दुकाँ में न तू ने तलाश की
बाज़ार कौन कौन से ऐ बे-ख़बर खुले
शीरीं-दहन से तेरे तअज्जुब है गुफ़्तुगू
एजाज़ है अगर गिरह-ए-नैशकर खुले
कट जाए वो ज़बाँ न हो जिस से दुआ-ए-ख़ैर
फूटे वो आँख जो कि न वक़्त-ए-सहर खुले
कोतह है इस क़दर मिरे क़द पर रिदा-ए-ऐश
ढाँकूँ जो पाँव को तो यक़ीं है कि सर खुले
क़ातिल जज़ा-ए-ख़ैर मिले तेरी तेग़ को
ज़ख़्मों के मुँह खुले नहीं जन्नत के दर खुले
फ़स्ल-ए-बहार आई है चलता है दौर-ए-जाम
मुग़ की दुकान शाम खुले या सहर खुले
पा-पोश हम ने मारी है दस्तार-ओ-ताज पर
सौदा-ए-ज़ुल्फ़-ए-यार में रहते हैं सर खुले
कैफ़-ए-शराब-ए-नाब का अंजाम हो ब-ख़ैर
शलवार-बंद साक़ी-ए-रश्क-ए-क़मर खुले
ना-ख़्वांदा शरह-ए-शौक़ जलाए गए ख़ुतूत
बाँधे गए वो जो कि मिरे नामा-बर खुले
चाहे सफ़ा तू साथ तहारत के ज़िक्र कर
परहेज़ कर तो तुझ को दवा का असर खुले
हँस कर दिखाए दाँत जो हम को तो क्या हुआ
ले लीजिए जो क़ीमत-ए-सिल्क-ए-गुहर खुले
कहता हूँ राज़-ए-इश्क़ मगर साथ शर्त के
कानों ही तक रहे न ज़बाँ को ख़बर खुले
मुश्ताक़ बंदिशों के हैं ख़्वाबों को चाहिए
बंधवाएँ शायरों से जो उन की कमर खुले
रुकती न उस से चोट न चलती ये क़ातिला
हाथों से तेरे जौहर-ए-तेग़-ओ-सिपर खुले
मतलब न सरनविश्त का समझा तू शुक्र कर
दीवाना हो जो हाल-ए-क़ज़ा-ओ-क़दर खुले
चलना पड़ेगा यार की ख़िदमत में सर के बल
समझे हो क्या जो बैठे हो 'आतिश' कमर खुले
jauhar nahīñ hamāre haiñ sayyād par khule
le kar qafas ko uḌ ga.e rakkhā jo par khule
shīshe sharāb ke raheñ āThoñ pahar khule
aisā ghire ki phir na kabhī abr-e-tar khule
kuchh to hameñ haqīqat-e-shams-o-qamar khule
kis kaj-kulah ke ishq meñ phirte haiñ sar khule
insāf ko haiñ dīda-e-ahl-e-nazar khule
parda uThā ki parda-e-shams-o-qamar khule
rañgrez kī dukāñ meñ bhare huuñ hazār rañg
turra vo hai jo yaar kī dastār par khule
kyā chiiz hai ibārat-e-rañgīñ meñ sharh-e-shauq
ḳhat kī tarah tabī.at-e-basta agar khule
jo chāheñ yaar se kahīñ aġhyār ġham nahīñ
ḳhvāja ko haiñ ġhulām ke aib-o-hunar khule
haivāñ par aadmī ko sharaf nutq se huā
shukr-e-ḳhudā kare jo zabān-e-bashar khule
yūsuf kī ik dukāñ meñ na tū ne talāsh kī
bāzār kaun kaun se ai be-ḳhabar khule
shīrīñ-dahan se tere ta.ajjub hai guftugū
e.ajāz hai agar girah-e-naishakar khule
kaT jaa.e vo zabāñ na ho jis se duā-e-ḳhair
phūTe vo aañkh jo ki na vaqt-e-sahar khule
kotah hai is qadar mire qad par ridā-e-aish
Dhāñkūñ jo paañv ko to yaqīñ hai ki sar khule
qātil jazā-e-ḳhair mile terī teġh ko
zaḳhmoñ ke muñh khule nahīñ jannat ke dar khule
fasl-e-bahār aa.ī hai chaltā hai daur-e-jām
muġh kī dukān shaam khule yā sahar khule
pā-posh ham ne maarī hai dastār-o-tāj par
saudā-e-zulf-e-yār meñ rahte haiñ sar khule
kaif-e-sharāb-e-nāb kā anjām ho ba-ḳhair
shalvār-band sāqī-e-rashk-e-qamar khule
nā-ḳhvāñda sharh-e-shauq jalā.e ga.e ḳhutūt
bāñdhe ga.e vo jo ki mire nāma-bar khule
chāhe safā tū saath tahārat ke zikr kar
parhez kar to tujh ko davā kā asar khule
hañs kar dikhā.e daañt jo ham ko to kyā huā
le lījiye jo qīmat-e-silk-e-guhar khule
kahtā huuñ rāz-e-ishq magar saath shart ke
kānoñ hī tak rahe na zabāñ ko ḳhabar khule
mushtāq bandishoñ ke haiñ ḳhvāboñ ko chāhiye
bañdhvā.eñ shā.eroñ se jo un kī kamar khule
ruktī na us se choT na chaltī ye qātilā
hāthoñ se tere jauhar-e-teġh-o-sipar khule
matlab na sarnavisht kā samjhā tū shukr kar
dīvāna ho jo hāl-e-qazā-o-qadar khule
chalnā paḌegā yaar kī ḳhidmat meñ sar ke bal
samjhe ho kyā jo baiThe ho 'ātish' kamar khule
جوہر نہیں ہمارے ہیں صیاد پر کھلے
لے کر قفس کو اڑ گئے رکھا جو پر کھلے
شیشے شراب کے رہیں آٹھوں پہر کھلے
ایسا گھرے کہ پھر نہ کبھی ابر تر کھلے
کچھ تو ہمیں حقیقت شمس و قمر کھلے
کس کج کلہ کے عشق میں پھرتے ہیں سر کھلے
انصاف کو ہیں دیدۂ اہل نظر کھلے
پردہ اٹھا کہ پردۂ شمس و قمر کھلے
رنگریز کی دکاں میں بھرے ہوں ہزار رنگ
طرہ وہ ہے جو یار کی دستار پر کھلے
کیا چیز ہے عبارت رنگیں میں شرح شوق
خط کی طرح طبیعت بستہ اگر کھلے
جو چاہیں یار سے کہیں اغیار غم نہیں
خواجہ کو ہیں غلام کے عیب و ہنر کھلے
حیواں پر آدمی کو شرف نطق سے ہوا
شکر خدا کرے جو زبان بشر کھلے
یوسف کی اک دکاں میں نہ تو نے تلاش کی
بازار کون کون سے اے بے خبر کھلے
شیریں دہن سے تیرے تعجب ہے گفتگو
اعجاز ہے اگر گرہ نیشکر کھلے
کٹ جائے وہ زباں نہ ہو جس سے دعائے خیر
پھوٹے وہ آنکھ جو کہ نہ وقت سحر کھلے
کوتہ ہے اس قدر مرے قد پر ردائے عیش
ڈھانکوں جو پاؤں کو تو یقیں ہے کہ سر کھلے
قاتل جزائے خیر ملے تیری تیغ کو
زخموں کے منہ کھلے نہیں جنت کے در کھلے
فصل بہار آئی ہے چلتا ہے دور جام
مغ کی دکان شام کھلے یا سحر کھلے
پاپوش ہم نے ماری ہے دستار و تاج پر
سودائے زلف یار میں رہتے ہیں سر کھلے
کیف شراب ناب کا انجام ہو بخیر
شلوار بند ساقیٔ رشک قمر کھلے
نا خواندہ شرح شوق جلائے گئے خطوط
باندھے گئے وہ جو کہ مرے نامہ بر کھلے
چاہے صفا تو ساتھ طہارت کے ذکر کر
پرہیز کر تو تجھ کو دوا کا اثر کھلے
ہنس کر دکھائے دانت جو ہم کو تو کیا ہوا
لے لیجئے جو قیمت سلک گہر کھلے
کہتا ہوں راز عشق مگر ساتھ شرط کے
کانوں ہی تک رہے نہ زباں کو خبر کھلے
مشتاق بندشوں کے ہیں خوابوں کو چاہئے
بندھوائیں شاعروں سے جو ان کی کمر کھلے
رکتی نہ اس سے چوٹ نہ چلتی یہ قاتلا
ہاتھوں سے تیرے جوہر تیغ و سپر کھلے
مطلب نہ سر نوشت کا سمجھا تو شکر کر
دیوانہ ہو جو حال قضا و قدر کھلے
چلنا پڑے گا یار کی خدمت میں سر کے بل
سمجھے ہو کیا جو بیٹھے ہو آتشؔ کمر کھلے