जल्वे मिरी निगाह में कौन-ओ-मकाँ के हैं
मुझ से कहाँ छुपेंगे वो ऐसे कहाँ के हैं
खुलते नहीं हैं राज़ जो सोज़-ए-निहाँ के हैं
क्या फूटने के वास्ते छाले ज़बाँ के हैं
करते हैं क़त्ल वो तलब-ए-मग़फ़िरत के बाद
जो थे दुआ के हाथ वही इम्तिहाँ के हैं
जिस रोज़ कुछ शरीक हुई मेरी मुश्त-ए-ख़ाक
उस रोज़ से ज़मीं पे सितम आसमाँ के हैं
बाज़ू दिखाए तुम ने लगा कर हज़ार हाथ
पूरे पड़े तो वो भी बहुत इम्तिहाँ के हैं
नासेह के सामने कभी सच बोलता नहीं
मेरी ज़बाँ में रंग तुम्हारी ज़बाँ के हैं
कैसा जवाब हज़रत-ए-दिल देखिए ज़रा
पैग़ाम-बर के हाथ में टुकड़े ज़बाँ के हैं
क्या इज़्तिराब-ए-शौक़ ने मुझ को ख़जिल किया
वो पूछते हैं कहिए इरादे कहाँ के हैं
आशिक़ तिरे अदम को गए किस क़दर तबाह
पूछा हर एक ने ये मुसाफ़िर कहाँ के हैं
हर-चंद 'दाग़' एक ही अय्यार है मगर
दुश्मन भी तो छटे हुए सारे जहाँ के हैं
jalve mirī nigāh meñ kaun-o-makāñ ke haiñ
mujh se kahāñ chhupeñge vo aise kahāñ ke haiñ
khulte nahīñ haiñ raaz jo soz-e-nihāñ ke haiñ
kyā phūTne ke vāste chhāle zabāñ ke haiñ
karte haiñ qatl vo talab-e-maġhfirat ke ba.ad
jo the duā ke haath vahī imtihāñ ke haiñ
jis roz kuchh sharīk huī merī musht-e-ḳhāk
us roz se zamīñ pe sitam āsmāñ ke haiñ
baazū dikhā.e tum ne lagā kar hazār haath
puure paḌe to vo bhī bahut imtihāñ ke haiñ
nāseh ke sāmne kabhī sach boltā nahīñ
merī zabāñ meñ rañg tumhārī zabāñ ke haiñ
kaisā javāb hazrat-e-dil dekhiye zarā
paiġhām-bar ke haath meñ TukḌe zabāñ ke haiñ
kyā iztirāb-e-shauq ne mujh ko ḳhajil kiyā
vo pūchhte haiñ kahiye irāde kahāñ ke haiñ
āshiq tire adam ko ga.e kis qadar tabāh
pūchhā har ek ne ye musāfir kahāñ ke haiñ
har-chand 'dāġh' ek hī ayyār hai magar
dushman bhī to chhaTe hue saare jahāñ ke haiñ
جلوے مری نگاہ میں کون و مکاں کے ہیں
مجھ سے کہاں چھپیں گے وہ ایسے کہاں کے ہیں
کھلتے نہیں ہیں راز جو سوز نہاں کے ہیں
کیا پھوٹنے کے واسطے چھالے زباں کے ہیں
کرتے ہیں قتل وہ طلب مغفرت کے بعد
جو تھے دعا کے ہاتھ وہی امتحاں کے ہیں
جس روز کچھ شریک ہوئی میری مشت خاک
اس روز سے زمیں پہ ستم آسماں کے ہیں
بازو دکھائے تم نے لگا کر ہزار ہاتھ
پورے پڑے تو وہ بھی بہت امتحاں کے ہیں
ناصح کے سامنے کبھی سچ بولتا نہیں
میری زباں میں رنگ تمہاری زباں کے ہیں
کیسا جواب حضرت دل دیکھیے ذرا
پیغام بر کے ہاتھ میں ٹکڑے زباں کے ہیں
کیا اضطراب شوق نے مجھ کو خجل کیا
وہ پوچھتے ہیں کہئے ارادے کہاں کے ہیں
عاشق ترے عدم کو گئے کس قدر تباہ
پوچھا ہر ایک نے یہ مسافر کہاں کے ہیں
ہر چند داغؔ ایک ہی عیار ہے مگر
دشمن بھی تو چھٹے ہوئے سارے جہاں کے ہیں