जल्वे हों रू-ब-रू तो तमाशा करे कोई
जब कुछ नज़र न आए तो फिर क्या करे कोई
हुस्न-ए-लतीफ़ क्यों हो असीर-ए-निगाह-ए-शौक़
हम ख़ुद ये चाहते हैं कि पर्दा करे कोई
सदहा हिजाब-हा-ए-तअ'य्युन के बावजूद
वो क्या करें जो उन की तमन्ना करे कोई
थर्रा के रह गई है मिरी काएनात-ए-होश
ऐसे भी सामने से न गुज़रा करे कोई
किस किस से राह-ए-दोस्त में दामन छुड़ाइए
हर ज़र्रा चाहता है कि सज्दा करे कोई
हर क़ल्ब मुज़्तरिब है मगर उन की मस्लहत
दुनिया ख़राब-ए-ग़म है मगर क्या करे कोई
मेरी निगाह-ए-शौक़ से इस बज़्म-ए-नाज़ में
वो हुस्न आ रहा है कि देखा करे कोई
दिल आश्ना-ए-ग़म हो तो ऐ 'कैफ़' बज़्म-ए-दहर
ऐसा निगार-ख़ाना है देखा करे कोई
jalve hoñ rū-ba-rū to tamāshā kare koī
jab kuchh nazar na aa.e to phir kyā kare koī
husn-e-latīf kyoñ ho asīr-e-nigāh-e-shauq
ham ḳhud ye chāhte haiñ ki pardā kare koī
sad.hā hijāb-hā-e-ta.ayyun ke bāvajūd
vo kyā kareñ jo un kī tamannā kare koī
tharrā ke rah ga.ī hai mirī kā.enāt-e-hosh
aise bhī sāmne se na guzrā kare koī
kis kis se rāh-e-dost meñ dāman chhuḌā.iye
har zarra chāhtā hai ki sajda kare koī
har qalb muztarib hai magar un kī maslahat
duniyā ḳharāb-e-ġham hai magar kyā kare koī
merī nigāh-e-shauq se is bazm-e-nāz meñ
vo husn aa rahā hai ki dekhā kare koī
dil āshnā-e-ġham ho to ai 'kaif' bazm-e-dahr
aisā nigār-ḳhāna hai dekhā kare koī
جلوے ہوں روبرو تو تماشا کرے کوئی
جب کچھ نظر نہ آئے تو پھر کیا کرے کوئی
حسن لطیف کیوں ہو اسیر نگاہ شوق
ہم خود یہ چاہتے ہیں کہ پردا کرے کوئی
صدہا حجاب ہائے تعین کے باوجود
وہ کیا کریں جو ان کی تمنا کرے کوئی
تھرا کے رہ گئی ہے مری کائنات ہوش
ایسے بھی سامنے سے نہ گزرا کرے کوئی
کس کس سے راہ دوست میں دامن چھڑائیے
ہر ذرہ چاہتا ہے کہ سجدہ کرے کوئی
ہر قلب مضطرب ہے مگر ان کی مصلحت
دنیا خراب غم ہے مگر کیا کرے کوئی
میری نگاہ شوق سے اس بزم ناز میں
وہ حسن آ رہا ہے کہ دیکھا کرے کوئی
دل آشنائے غم ہو تو اے کیفؔ بزم دہر
ایسا نگار خانہ ہے دیکھا کرے کوئی