जहाँ उस ने जफ़ा की इंतिहा की
वही मेराज थी अपनी वफ़ा की
तुम्हारा हुस्न है मेरी इबादत
जो तुम आए तो याद आई ख़ुदा की
मोहब्बत जिस को रास आ जाए उस को
ज़रूरत क्या दुआ की या दवा की
न था जब मैं तो वो तशरीफ़ लाए
ज़हे मक़बूलियत मेरी दुआ की
मज़ा आया शराब-ए-तुंद का सा
तबीअत उन की जब बरहम हुआ की
मोहब्बत ज़िंदगी की वर्ना ऐ दोस्त
अबस है उम्र ने भी गो वफ़ा की
कमी थी कौन सी दिल की तड़प में
कि उलझन दीन-ओ-दुनिया की अता की
घटा छाई हुई है मय-कदे पर
ये कैफ़िय्यत है चश्म-ए-सुर्मा-सा की
अब आओ भी कि है हम से तुम्हारे
ये गर्मी बज़्म की मस्ती फ़ज़ा की
'हबीब' उस की तरफ़ से ख़ुद कशिश है
ज़रूरत क्या है तुझ को रहनुमा की
jahāñ us ne jafā kī intihā kī
vahī me.arāj thī apnī vafā kī
tumhārā husn hai merī ibādat
jo tum aa.e to yaad aa.ī ḳhudā kī
mohabbat jis ko raas aa jaa.e us ko
zarūrat kyā duā kī yā davā kī
na thā jab maiñ to vo tashrīf laa.e
zahe maqbūliyat merī duā kī
maza aayā sharāb-e-tund kā sā
tabī.at un kī jab barham huā kī
mohabbat zindagī kī varna ai dost
abas hai umr ne bhī go vafā kī
kamī thī kaun sī dil kī taḌap meñ
ki uljhan dīn-o-duniyā kī atā kī
ghaTā chhā.ī huī hai mai-kade par
ye kaifiyyat hai chashm-e-surma-sā kī
ab aao bhī ki hai ham se tumhāre
ye garmī bazm kī mastī fazā kī
'habīb' us kī taraf se ḳhud kashish hai
zarūrat kyā hai tujh ko rahnumā kī
جہاں اس نے جفا کی انتہا کی
وہی معراج تھی اپنی وفا کی
تمہارا حسن ہے میری عبادت
جو تم آئے تو یاد آئی خدا کی
محبت جس کو راس آ جائے اس کو
ضرورت کیا دعا کی یا دوا کی
نہ تھا جب میں تو وہ تشریف لائے
زہے مقبولیت میری دعا کی
مزہ آیا شراب تند کا سا
طبیعت ان کی جب برہم ہوا کی
محبت زندگی کی ورنہ اے دوست
عبث ہے عمر نے بھی گو وفا کی
کمی تھی کون سی دل کی تڑپ میں
کہ الجھن دین و دنیا کی عطا کی
گھٹا چھائی ہوئی ہے میکدے پر
یہ کیفیت ہے چشم سرمہ سا کی
اب آؤ بھی کہ ہے ہم سے تمہارے
یہ گرمی بزم کی مستی فضا کی
حبیبؔ اس کی طرف سے خود کشش ہے
ضرورت کیا ہے تجھ کو رہنما کی