जहाँ मेरे न होने का निशाँ फैला हुआ है
समझता हूँ ग़ुबार-ए-आसमाँ फैला हुआ है
मैं इस को देखने और भूल जाने में मगन हूँ
मिरे आगे जो ये ख़्वाब-ए-रवाँ फैला हुआ है
इन्ही दो हैरतों के दरमियाँ मौजूद हूँ मैं
सर-ए-आब-ए-यक़ीं अक्स-ए-गुमाँ फैला हुआ है
रिहाई की कोई सूरत निकलनी चाहिए अब
ज़मीं सहमी हुई है और धुआँ फैला हुआ है
कोई अंदाज़ा कर सकता है क्या इस का कि आख़िर
कहाँ तक साया-ए-अहद-ए-ज़ियाँ फैला हुआ है
कहाँ डूबे किधर उभरे बदन की नाव देखें
कि इतनी दूर तक दरिया-ए-जाँ फैला हुआ है
मैं दिल से भाग कर जा भी कहाँ सकता हूँ आख़िर
मिरे हर सू ये दश्त-ए-बे-अमाँ फैला हुआ है
मुझे कुछ भी नहीं मालूम और अंदर ही अंदर
लहू में एक दस्त-ए-राएगाँ फैला हुआ है
'ज़फ़र' अब के सुख़न की सरज़मीं पर है ये मौसम
बयाँ ग़ाएब है और रंग-ए-बयाँ फैला हुआ है
jahāñ mere na hone kā nishāñ phailā huā hai
samajhtā huuñ ġhubār-e-āsmāñ phailā huā hai
maiñ is ko dekhne aur bhuul jaane meñ magan huuñ
mire aage jo ye ḳhvāb-e-ravāñ phailā huā hai
inhī do hairatoñ ke darmiyāñ maujūd huuñ maiñ
sar-e-āb-e-yaqīñ aks-e-gumāñ phailā huā hai
rihā.ī kī koī sūrat nikalnī chāhiye ab
zamīñ sahmī huī hai aur dhuāñ phailā huā hai
koī andāza kar saktā hai kyā is kā ki āḳhir
kahāñ tak sāya-e-ahd-e-ziyāñ phailā huā hai
kahāñ Duube kidhar ubhre badan kī naav dekheñ
ki itnī duur tak dariyā-e-jāñ phailā huā hai
maiñ dil se bhaag kar jā bhī kahāñ saktā huuñ āḳhir
mire har sū ye dasht-e-be-amāñ phailā huā hai
mujhe kuchh bhī nahīñ mālūm aur andar hī andar
lahū meñ ek dast-e-rā.egāñ phailā huā hai
'zafar' ab ke suḳhan kī sarzamīñ par hai ye mausam
bayāñ ġhā.eb hai aur rañg-e-bayāñ phailā huā hai
جہاں میرے نہ ہونے کا نشاں پھیلا ہوا ہے
سمجھتا ہوں غبار آسماں پھیلا ہوا ہے
میں اس کو دیکھنے اور بھول جانے میں مگن ہوں
مرے آگے جو یہ خواب رواں پھیلا ہوا ہے
انہی دو حیرتوں کے درمیاں موجود ہوں میں
سر آب یقیں عکس گماں پھیلا ہوا ہے
رہائی کی کوئی صورت نکلنی چاہئے اب
زمیں سہمی ہوئی ہے اور دھواں پھیلا ہوا ہے
کوئی اندازہ کر سکتا ہے کیا اس کا کہ آخر
کہاں تک سایۂ عہد زیاں پھیلا ہوا ہے
کہاں ڈوبے کدھر ابھرے بدن کی ناؤ دیکھیں
کہ اتنی دور تک دریائے جاں پھیلا ہوا ہے
میں دل سے بھاگ کر جا بھی کہاں سکتا ہوں آخر
مرے ہر سو یہ دشت بے اماں پھیلا ہوا ہے
مجھے کچھ بھی نہیں معلوم اور اندر ہی اندر
لہو میں ایک دست رائیگاں پھیلا ہوا ہے
ظفرؔ اب کے سخن کی سر زمیں پر ہے یہ موسم
بیاں غائب ہے اور رنگ بیاں پھیلا ہوا ہے