जहाँ धुआँ था वहीं रौशनी के दाग़ भी थे
मिरे मकान के मलबे में कुछ चराग़ भी थे
ज़रा सी देर में महफ़िल को क्या हुआ या-रब
अभी तो शाम भी थी मय भी थी अयाग़ भी थे
ज़मीन बेच के रहते थे आसमानों पर
मिरे बुज़ुर्गों में वो साहिब-ए-फ़राग़ भी थे
ख़ुदा भी देख के चुप था कि मेरे दामन में
जहाँ गुनाह वहीं आँसुओं के दाग़ भी थे
जो हम जले तो दिल-ओ-जाँ चमक उठे 'क़ैसर'
बहुत दिनों से ये वीराने बे-चराग़ भी थे
jahāñ dhuāñ thā vahīñ raushnī ke daaġh bhī the
mire makān ke malbe meñ kuchh charāġh bhī the
zarā sī der meñ mahfil ko kyā huā yā-rab
abhī to shaam bhī thī mai bhī thī ayāġh bhī the
zamīn bech ke rahte the āsmānoñ par
mire buzurgoñ meñ vo sāhib-e-farāġh bhī the
ḳhudā bhī dekh ke chup thā ki mere dāman meñ
jahāñ gunāh vahīñ āñsuoñ ke daaġh bhī the
jo ham jale to dil-o-jāñ chamak uThe 'qaisar'
bahut dinoñ se ye vīrāne be-charāġh bhī the
جہاں دھواں تھا وہیں روشنی کے داغ بھی تھے
مرے مکان کے ملبے میں کچھ چراغ بھی تھے
ذرا سی دیر میں محفل کو کیا ہوا یا رب
ابھی تو شام بھی تھی مے بھی تھی ایاغ بھی تھے
زمین بیچ کے رہتے تھے آسمانوں پر
مرے بزرگوں میں وہ صاحب فراغ بھی تھے
خدا بھی دیکھ کے چپ تھا کہ میرے دامن میں
جہاں گناہ وہیں آنسوؤں کے داغ بھی تھے
جو ہم جلے تو دل و جاں چمک اٹھے قیصرؔ
بہت دنوں سے یہ ویرانے بے چراغ بھی تھے