जब तसव्वुर में कोई माह-जबीं होता है
रात होती है मगर दिन का यक़ीं होता है
उफ़ वो बेदाद इनायत भी तसद्दुक़ जिस पर
हाए वो ग़म जो मसर्रत से हसीं होता है
हिज्र की रात फ़ुसूँ-कारी-ए-ज़ुल्मत मत पूछ
शम्अ जलती है मगर नूर नहीं होता है
दूर तक हम ने जो देखा तो ये मालूम हुआ
कि वो इंसाँ की रग-ए-जाँ से क़रीं होता है
इश्क़ में मारका-ए-क़ल्ब-ओ-नज़र क्या कहिए
चोट लगती है कहीं दर्द कहीं होता है
हम ने देखे हैं वो आलम भी मोहब्बत में 'हफ़ीज़'
आस्ताँ ख़ुद जहाँ मुश्ताक़-ए-जबीं होता है
jab tasavvur meñ koī māh-jabīñ hotā hai
raat hotī hai magar din kā yaqīñ hotā hai
uf vo bedād ināyat bhī tasadduq jis par
haa.e vo ġham jo masarrat se hasīñ hotā hai
hijr kī raat fusūñ-kāri-e-zulmat mat pūchh
sham.a jaltī hai magar nuur nahīñ hotā hai
duur tak ham ne jo dekhā to ye mālūm huā
ki vo insāñ kī rag-e-jāñ se qarīñ hotā hai
ishq meñ mārka-e-qalb-o-nazar kyā kahiye
choT lagtī hai kahīñ dard kahīñ hotā hai
ham ne dekhe haiñ vo aalam bhī mohabbat meñ 'hafīz'
āstāñ ḳhud jahāñ mushtāq-e-jabīñ hotā hai
جب تصور میں کوئی ماہ جبیں ہوتا ہے
رات ہوتی ہے مگر دن کا یقیں ہوتا ہے
اف وہ بیداد عنایت بھی تصدق جس پر
ہائے وہ غم جو مسرت سے حسیں ہوتا ہے
ہجر کی رات فسوں کارئ ظلمت مت پوچھ
شمع جلتی ہے مگر نور نہیں ہوتا ہے
دور تک ہم نے جو دیکھا تو یہ معلوم ہوا
کہ وہ انساں کی رگ جاں سے قریں ہوتا ہے
عشق میں معرکۂ قلب و نظر کیا کہئے
چوٹ لگتی ہے کہیں درد کہیں ہوتا ہے
ہم نے دیکھے ہیں وہ عالم بھی محبت میں حفیظؔ
آستاں خود جہاں مشتاق جبیں ہوتا ہے