जब तक तअ'ल्लुक़ात हमारे बने रहे
हम एक दूसरे के सहारे बने रहे
जब तक खिले हुए थे दिलों में ग़रज़ के फूल
तुम भी हमारे हम भी तुम्हारे बने रहे
ख़्वाहिश के ओर छोर से वाक़िफ़ थे हम मगर
दरिया के आर-पार किनारे बने रहे
अरमान हाँपते रहे दो खिड़कियों के बीच
आँखों के दरमियान इशारे बने रहे
ख़ुश्बू बिखेरती रही बिस्तर पे चाँदनी
जज़्बात सारी रात शरारे बने रहे
'परवेज़' जब तलक था मोहब्बत पे इख़्तियार
हम भी तुम्हारे तुम भी हमारे बने रहे
jab tak ta.alluqāt hamāre bane rahe
ham ek dūsre ke sahāre bane rahe
jab tak khile hue the diloñ meñ ġharaz ke phuul
tum bhī hamāre ham bhī tumhāre bane rahe
ḳhvāhish ke or chhor se vāqif the ham magar
dariyā ke ār-pār kināre bane rahe
armān hāñpte rahe do khiḌkiyoñ ke beach
āñkhoñ ke darmiyān ishāre bane rahe
ḳhushbū bikhertī rahī bistar pe chāñdnī
jazbāt saarī raat sharāre bane rahe
'parvez' jab talak thā mohabbat pe iḳhtiyār
ham bhī tumhāre tum bhī hamāre bane rahe
جب تک تعلقات ہمارے بنے رہے
ہم ایک دوسرے کے سہارے بنے رہے
جب تک کھلے ہوئے تھے دلوں میں غرض کے پھول
تم بھی ہمارے ہم بھی تمہارے بنے رہے
خواہش کے اور چھور سے واقف تھے ہم مگر
دریا کے آر پار کنارے بنے رہے
ارمان ہانپتے رہے دو کھڑکیوں کے بیچ
آنکھوں کے درمیان اشارے بنے رہے
خوشبو بکھیرتی رہی بستر پہ چاندنی
جذبات ساری رات شرارے بنے رہے
پرویزؔ جب تلک تھا محبت پہ اختیار
ہم بھی تمہارے تم بھی ہمارے بنے رہے