जब तक ख़लिश-ए-दर्द-ए-ख़ुदा-दाद रहेगी
दुनिया दिल-ए-नाशाद की आबाद रहेगी
रूह अपनी है बेगाना-ए-हर-जन्नत-ओ-दोज़ख़
गुम हो के हर इक क़ैद से आज़ाद रहेगी
जो ख़ाक का पुतला वही सहरा का बगूला
मिटने पे भी इक हस्ती-ए-बर्बाद रहेगी
शैतान का शैतान फ़रिश्ते का फ़रिश्ता
इंसान की ये बुल-अजबी याद रहेगी
हाँ वुसअत-ए-ज़ंजीर तक आज़ाद भी हूँ मैं
हस्ती मिरी मजमू'आ-ए-अज़्दाद रहेगी
हर शाम हुई सुब्ह को इक ख़्वाब-ए-फ़रामोश
दुनिया यही दुनिया है तो क्या याद रहेगी
शोहरा है 'यगाना' तिरी बेगाना-रवी का
वल्लाह ये बेगाना-रवी याद रहेगी
jab tak ḳhalish-e-dard-e-ḳhudā-dād rahegī
duniyā dil-e-nāshād kī ābād rahegī
ruuh apnī hai begāna-e-har-jannat-o-dozaḳh
gum ho ke har ik qaid se āzād rahegī
jo ḳhaak kā putlā vahī sahrā kā bagūla
miTne pe bhī ik hastī-e-barbād rahegī
shaitān kā shaitān farishte kā farishta
insān kī ye bul-ajabī yaad rahegī
haañ vus.at-e-zanjīr tak āzād bhī huuñ maiñ
hastī mirī majmū'a-e-azdād rahegī
har shaam huī sub.h ko ik ḳhvāb-e-farāmosh
duniyā yahī duniyā hai to kyā yaad rahegī
shohra hai 'yagānā' tirī begāna-ravī kā
vallāh ye begāna-ravī yaad rahegī
جب تک خلش درد خدا داد رہے گی
دنیا دل ناشاد کی آباد رہے گی
روح اپنی ہے بیگانۂ ہر جنت و دوزخ
گم ہو کے ہر اک قید سے آزاد رہے گی
جو خاک کا پتلا وہی صحرا کا بگولہ
مٹنے پہ بھی اک ہستیٔ برباد رہے گی
شیطان کا شیطان فرشتے کا فرشتہ
انسان کی یہ بوالعجبی یاد رہے گی
ہاں وسعت زنجیر تک آزاد بھی ہوں میں
ہستی مری مجموعۂ ازداد رہے گی
ہر شام ہوئی صبح کو اک خواب فراموش
دنیا یہی دنیا ہے تو کیا یاد رہے گی
شہرہ ہے یگانہؔ تری بیگانہ روی کا
واللہ یہ بیگانہ روی یاد رہے گی