जब हुई ख़ाक तो इक्सीर हुई है बाबा
आरज़ू मिटने से तासीर हुई है बाबा
दाग़ हैं क़ल्ब-ओ-जिगर छुट गए अरबाब-ए-वफ़ा
ज़िंदगी अब मुझे ता'ज़ीर हुई है बाबा
दर्द ही चारागर और दर्द ही दरमाँ निकला
दर्द ही दर्द की तदबीर हुई है बाबा
कोई बतला न सका तालिब-ओ-मतलूब का फ़र्क़
यूँ तरीक़त की भी ता'बीर हुई है बाबा
कर्बला धूप है तो प्यास है दरिया-ए-फ़ुरात
इक सदाक़त यूँही तहरीर हुई है बाबा
ख़ाक पर सज्दा हो क़ातिल की छुरी शह-रग पर
हर सदा ना'रा-ए-तकबीर हुई है बाबा
नोक नेज़ा पे कोई बोलता क़ुरआन भी था
इस तरह से कभी तफ़्सीर हुई है बाबा
jab huī ḳhaak to iksīr huī hai baabā
aarzū miTne se tāsīr huī hai baabā
daaġh haiñ qalb-o-jigar chhuT ga.e arbāb-e-vafā
zindagī ab mujhe tā'zīr huī hai baabā
dard hī chāragar aur dard hī darmāñ niklā
dard hī dard kī tadbīr huī hai baabā
koī batlā na sakā tālib-o-matlūb kā farq
yuuñ tarīqat kī bhī tā'bīr huī hai baabā
karbalā dhuup hai to pyaas hai dariyā-e-furāt
ik sadāqat yūñhī tahrīr huī hai baabā
ḳhaak par sajda ho qātil kī chhurī shah-rag par
har sadā nā'ra-e-takbīr huī hai baabā
nok neza pe koī boltā qur.ān bhī thā
is tarah se kabhī tafsīr huī hai baabā
جب ہوئی خاک تو اکسیر ہوئی ہے بابا
آرزو مٹنے سے تاثیر ہوئی ہے بابا
داغ ہیں قلب و جگر چھٹ گئے ارباب وفا
زندگی اب مجھے تعزیر ہوئی ہے بابا
درد ہی چارہ گر اور درد ہی درماں نکلا
درد ہی درد کی تدبیر ہوئی ہے بابا
کوئی بتلا نہ سکا طالب و مطلوب کا فرق
یوں طریقت کی بھی تعبیر ہوئی ہے بابا
کربلا دھوپ ہے تو پیاس ہے دریائے فرات
اک صداقت یوں ہی تحریر ہوئی ہے بابا
خاک پر سجدہ ہو قاتل کی چھری شہ رگ پر
ہر صدا نعرۂ تکبیر ہوئی ہے بابا
نوک نیزہ پہ کوئی بولتا قرآن بھی تھا
اس طرح سے کبھی تفسیر ہوئی ہے بابا