जब हो चुकी शराब तो मैं मस्त मर गया
शीशे के ख़ाली होते ही पैमाना भर गया
ने क़ासिद-ए-ख़याल न पैक-ए-नज़र गया
उन तक मैं अपनी आप ही ले कर ख़बर गया
रूह-ए-रुवान-ओ-जिस्म की सूरत मैं क्या कहूँ
झोंका हवा का था इधर आया उधर गया
तूफ़ान-ए-नूह इस में हो या शोर-ए-हश्र हो
होता जो कुछ है होगा जो गुज़रा गुज़र गया
समझा है हक़ को अपने ही जानिब हर एक शख़्स
ये चाँद उस के साथ चला जो जिधर गया
शोरीदगी से मेरी यहाँ तक वो तंग थे
रूठा जो मैं तो ख़ैर मनाई कि शर गया
मैं ने भी आँखें देखी हैं परियों की जाओ भी
तुम ने दिखाई आँख मुझे और मैं डर गया
गुज़रा जहाँ से मैं तो कहा सुन के यार ने
क़िस्सा गया फ़साद गया दर्द-ए-सर गया
काग़ज़ सियाह करते हो किस के लिए 'नसीम'
आया जवाब-ए-ख़त तुम्हें और नामा-बर गया
jab ho chukī sharāb to maiñ mast mar gayā
shīshe ke ḳhālī hote hī paimāna bhar gayā
ne qāsid-e-ḳhayāl na paik-e-nazar gayā
un tak maiñ apnī aap hī le kar ḳhabar gayā
rūh-e-ruvān-o-jism kī sūrat maiñ kyā kahūñ
jhoñkā havā kā thā idhar aayā udhar gayā
tūfān-e-nūh is meñ ho yā shor-e-hashr ho
hotā jo kuchh hai hogā jo guzrā guzar gayā
samjhā hai haq ko apne hī jānib har ek shaḳhs
ye chāñd us ke saath chalā jo jidhar gayā
shorīdgī se merī yahāñ tak vo tañg the
rūThā jo maiñ to ḳhair manā.ī ki shar gayā
maiñ ne bhī āñkheñ dekhī haiñ pariyoñ kī jaao bhī
tum ne dikhā.ī aañkh mujhe aur maiñ Dar gayā
guzrā jahāñ se maiñ to kahā sun ke yaar ne
qissa gayā fasād gayā dard-e-sar gayā
kāġhaz siyāh karte ho kis ke liye 'nasīm'
aayā javāb-e-ḳhat tumheñ aur nāma-bar gayā
جب ہو چکی شراب تو میں مست مر گیا
شیشے کے خالی ہوتے ہی پیمانہ بھر گیا
نے قاصد خیال نہ پیک نظر گیا
ان تک میں اپنی آپ ہی لے کر خبر گیا
روح روان و جسم کی صورت میں کیا کہوں
جھونکا ہوا کا تھا ادھر آیا ادھر گیا
طوفان نوح اس میں ہو یا شور حشر ہو
ہوتا جو کچھ ہے ہوگا جو گزرا گزر گیا
سمجھا ہے حق کو اپنے ہی جانب ہر ایک شخص
یہ چاند اس کے ساتھ چلا جو جدھر گیا
شوریدگی سے میری یہاں تک وہ تنگ تھے
روٹھا جو میں تو خیر منائی کہ شر گیا
میں نے بھی آنکھیں دیکھی ہیں پریوں کی جاؤ بھی
تم نے دکھائی آنکھ مجھے اور میں ڈر گیا
گزرا جہاں سے میں تو کہا سن کے یار نے
قصہ گیا فساد گیا درد سر گیا
کاغذ سیاہ کرتے ہو کس کے لیے نسیمؔ
آیا جواب خط تمہیں اور نامہ بر گیا