इतना सन्नाटा है बस्ती में कि डर जाएगा
चाँद निकला भी तो चुप-चाप गुज़र जाएगा
क्या ख़बर थी कि हवा तेज़ चलेगी इतनी
सारा सहरा मिरे चेहरे पे बिखर जाएगा
हम किसी मोड़ पे रुक जाएँगे चलते चलते
रास्ता टूटे हुए पुल पे ठहर जाएगा
बादबानों ने जो एहसान जताया उस पर
बीच दरिया में वो कश्ती से उतर जाएगा
चलते रहिए कि सफ़-ए-हम-सफ़राँ लम्बी है
जिस को रस्ते में ठहरना है ठहर जाएगा
दर-ओ-दीवार पे सदियों की कोहर छाई है
घर में सूरज भी जो आया तो ठिठर जाएगा
फ़न वो जुगनू है जो उड़ता है हवा में 'क़ैसर'
बंद कर लोगे जो मुट्ठी में तो मर जाएगा
itnā sannāTā hai bastī meñ ki Dar jā.egā
chāñd niklā bhī to chup-chāp guzar jā.egā
kyā ḳhabar thī ki havā tez chalegī itnī
saarā sahrā mire chehre pe bikhar jā.egā
ham kisī moḌ pe ruk jā.eñge chalte chalte
rāsta TuuTe hue pul pe Thahar jā.egā
bādbānoñ ne jo ehsān jatāyā us par
biich dariyā meñ vo kashtī se utar jā.egā
chalte rahiye ki saf-e-ham-safarāñ lambī hai
jis ko raste meñ Thaharnā hai Thahar jā.egā
dar-o-dīvār pe sadiyoñ kī kohr chhā.ī hai
ghar meñ sūraj bhī jo aayā to ThiThar jā.egā
fan vo jugnū hai jo uḌtā hai havā meñ 'qaisar'
band kar loge jo muTThī meñ to mar jā.egā
اتنا سناٹا ہے بستی میں کہ ڈر جائے گا
چاند نکلا بھی تو چپ چاپ گزر جائے گا
کیا خبر تھی کہ ہوا تیز چلے گی اتنی
سارا صحرا مرے چہرے پہ بکھر جائے گا
ہم کسی موڑ پہ رک جائیں گے چلتے چلتے
راستہ ٹوٹے ہوئے پل پہ ٹھہر جائے گا
بادبانوں نے جو احسان جتایا اس پر
بیچ دریا میں وہ کشتی سے اتر جائے گا
چلتے رہیے کہ صف ہم سفراں لمبی ہے
جس کو رستے میں ٹھہرنا ہے ٹھہر جائے گا
در و دیوار پہ صدیوں کی کہر چھائی ہے
گھر میں سورج بھی جو آیا تو ٹھٹھر جائے گا
فن وہ جگنو ہے جو اڑتا ہے ہوا میں قیصرؔ
بند کر لوگے جو مٹھی میں تو مر جائے گا