इस्मत का है लिहाज़ न परवा हया की है
ये सिन ग़ज़ब का है ये जवानी बला की है
सच पूछिए तो नाला-ए-बुलबुल है बे-ख़ता
फूलों में सारी आग लगाई सबा की है
दिल है अजीब गुल चमन-ए-रोज़गार में
रंगत तो फूल की है मगर बू वफ़ा की है
ख़ल्वत में क्यूँ ये साथ हैं सब को अलग करो
शोख़ी का है न काम न हाजत हया की है
वो हाथ उन के चूमती है मैं हूँ पाएमाल
ये हैं मिरे नसीब वो क़िस्मत हिना की है
अंजाम क्या हो दाग़-ए-मोहब्बत का देखिए
सीने में इब्तिदा से जलन इंतिहा की है
मौसम यही तो पीने-पिलाने का है जलील
मय-ख़्वार बाग़ बाग़ हैं आमद घटा की है
ismat kā hai lihāz na parvā hayā kī hai
ye sin ġhazab kā hai ye javānī balā kī hai
sach pūchhiye to nāla-e-bulbul hai be-ḳhatā
phūloñ meñ saarī aag lagā.ī sabā kī hai
dil hai ajiib gul chaman-e-rozgār meñ
rañgat to phuul kī hai magar bū vafā kī hai
ḳhalvat meñ kyuuñ ye saath haiñ sab ko alag karo
shoḳhī kā hai na kaam na hājat hayā kī hai
vo haath un ke chūmtī hai maiñ huuñ pā.emāl
ye haiñ mire nasīb vo qismat hinā kī hai
anjām kyā ho dāġh-e-mohabbat kā dekhiye
siine meñ ibtidā se jalan intihā kī hai
mausam yahī to pīne-pilāne kā hai jalīl
mai-ḳhvār baaġh baaġh haiñ aamad ghaTā kī hai
عصمت کا ہے لحاظ نہ پروا حیا کی ہے
یہ سن غضب کا ہے یہ جوانی بلا کی ہے
سچ پوچھیے تو نالۂ بلبل ہے بے خطا
پھولوں میں ساری آگ لگائی صبا کی ہے
دل ہے عجیب گل چمن روزگار میں
رنگت تو پھول کی ہے مگر بو وفا کی ہے
خلوت میں کیوں یہ ساتھ ہیں سب کو الگ کرو
شوخی کا ہے نہ کام نہ حاجت حیا کی ہے
وہ ہاتھ ان کے چومتی ہے میں ہوں پائمال
یہ ہیں مرے نصیب وہ قسمت حنا کی ہے
انجام کیا ہو داغ محبت کا دیکھیے
سینے میں ابتدا سے جلن انتہا کی ہے
موسم یہی تو پینے پلانے کا ہے جلیل
مے خوار باغ باغ ہیں آمد گھٹا کی ہے