इश्क़ में हर नफ़स इबादत है
मज़हब-ए-इश्क़ आदमियत है
इक ज़माना रक़ीब है मेरा
जब से हासिल तिरी रिफ़ाक़त है
ज़िंदगी नाम रंज-ओ-ग़म ही सही
फिर भी किस दर्जा ख़ूबसूरत है
इक मोहब्बत भरी नज़र के सिवा
और क्या अहल-ए-दिल की क़ीमत है
चंद मुख़्लिस जहाँ इकट्ठा हूँ
वो जगह अहल-ए-दिल की जन्नत है
कौन सुलझाए गेसु-ए-दौरान
अपनी उलझन से किस को फ़ुर्सत है
एक दुनिया तबाह कर डाले
एक ज़र्रा में ऐसी ताक़त है
सितम-दोस्त हो कि लुत्फ़ दोस्त
जो भी मिल जाए वो ग़नीमत है
उन को देखेंगे बे-हिजाब 'हफ़ीज़'
शौक़-ए-दीदार अगर सलामत है
ishq meñ har nafas ibādat hai
maz.hab-e-ishq ādamiyat hai
ik zamāna raqīb hai merā
jab se hāsil tirī rifāqat hai
zindagī naam ranj-o-ġham hī sahī
phir bhī kis darja ḳhūbsūrat hai
ik mohabbat bharī nazar ke sivā
aur kyā ahl-e-dil kī qīmat hai
chand muḳhlis jahāñ ikaTThā huuñ
vo jagah ahl-e-dil kī jannat hai
kaun suljhā.e gesu-e-daurāñ
apnī uljhan se kis ko fursat hai
ek duniyā tabāh kar Daale
ek zarra meñ aisī tāqat hai
sitam-dost ho ki lutf dost
jo bhī mil jaa.e vo ġhanīmat hai
un ko dekheñge be-hijāb 'hafīz'
shauq-e-dīdār agar salāmat hai
عشق میں ہر نفس عبادت ہے
مذہب عشق آدمیت ہے
اک زمانہ رقیب ہے میرا
جب سے حاصل تری رفاقت ہے
زندگی نام رنج و غم ہی سہی
پھر بھی کس درجہ خوب صورت ہے
اک محبت بھری نظر کے سوا
اور کیا اہل دل کی قیمت ہے
چند مخلص جہاں اکٹھا ہوں
وہ جگہ اہل دل کی جنت ہے
کون سلجھائے گیسوئے دوراں
اپنی الجھن سے کس کو فرصت ہے
ایک دنیا تباہ کر ڈالے
ایک ذرہ میں ایسی طاقت ہے
ستم دوست ہو کہ لطف دوست
جو بھی مل جائے وہ غنیمت ہے
ان کو دیکھیں گے بے حجاب حفیظؔ
شوق دیدار اگر سلامت ہے