इसे मंज़ूर नहीं छोड़ झगड़ता क्या है
दिल ही कम-माया है अपना तो अकड़ता क्या है
अपने सोए हुए सूरज की ख़बर ले जा कर
इस कमीं-गाह में किरनों को पकड़ता क्या है
जानता है कि उतर जाएगी दिल में मिरी बात
वर्ना सुन ले तू बता तेरा बिगड़ता क्या है
शबनम-ए-ताज़ा है ये फूल हैं या पते हैं
देख शाख़-ए-शजर-ए-शाम से झड़ता क्या है
दो क़दम है शब-ए-ग़म से शब-ए-वादा ऐ दिल
चंद आहों के सिवा राह में पड़ता क्या है
दिल तो भरपूर समुंदर है 'ज़फ़र' क्या कीजे
दो घड़ी बैठ के रोने से नबड़ता क्या है
ise manzūr nahīñ chhoḌ jhagaḌtā kyā hai
dil hī kam-māya hai apnā to akaḌtā kyā hai
apne so.e hue sūraj kī ḳhabar le jā kar
is kamīñ-gāh meñ kirnoñ ko pakaḌtā kyā hai
jāntā hai ki utar jā.egī dil meñ mirī baat
varna sun le tū batā terā bigaḌtā kyā hai
shabnam-e-tāza hai ye phuul haiñ yā pate haiñ
dekh shāḳh-e-shajar-e-shām se jhaḌtā kyā hai
do qadam hai shab-e-ġham se shab-e-vāda ai dil
chand aahoñ ke sivā raah meñ paḌtā kyā hai
dil to bharpūr samundar hai 'zafar' kyā kiije
do ghaḌī baiTh ke rone se nabaḌtā kyā hai
اسے منظور نہیں چھوڑ جھگڑتا کیا ہے
دل ہی کم مایہ ہے اپنا تو اکڑتا کیا ہے
اپنے سوئے ہوئے سورج کی خبر لے جا کر
اس کمیں گاہ میں کرنوں کو پکڑتا کیا ہے
جانتا ہے کہ اتر جائے گی دل میں مری بات
ورنہ سن لے تو بتا تیرا بگڑتا کیا ہے
شبنم تازہ ہے یہ پھول ہیں یا پتے ہیں
دیکھ شاخ شجر شام سے جھڑتا کیا ہے
دو قدم ہے شب غم سے شب وعدہ اے دل
چند آہوں کے سوا راہ میں پڑتا کیا ہے
دل تو بھرپور سمندر ہے ظفرؔ کیا کیجے
دو گھڑی بیٹھ کے رونے سے نبڑتا کیا ہے