इस शश-जिहत में ख़ूब तिरी जुस्तुजू करें
काबे में चल के सज्दा तुझे चार-सू करें
आशिक़ जो हुस्न-ए-पाक में कुछ गुफ़्तुगू करें
दामन का पीछे नाम लें पहले वज़ू करें
शर्मिंदा हूँ ज़मीं में गड़ें सुर्ख़-रू करें
उस्तादगी जो सर्व तिरे रू-ब-रू करें
पैदा करें जो तुझ को उन्हीं को है दस्तरस
पामर्द हैं वही जो तिरी जुस्तुजू करें
ले जा चुकी चमन में सबा बू-ए-ज़ुल्फ़-ए-यार
सुम्बुल के सिलसिले को भी बरहम वो मू करें
अफ़्साना-गोई अफ़ई-ए-गेसू-ए-यार में
ख़ामोश हों चराग़ जो हम गुफ़्तुगू करें
दीवानगी का सिलसिला जावे न हाथ से
दामन को फाड़िए जो गरेबाँ रफ़ू करें
ऐ बादशाह-ए-हुस्न फ़क़ीरों की तरह से
आशिक़ दुआ-ए-ख़ैर तुझे कू-ब-कू करें
दीदार-ए-आम कीजिए पर्दा उठाइए
ता-चंद बंदा-हा-ए-ख़ुदा आरज़ू करें
मस्ती में मुझ से बे-अदबी होगी यार से
मुझ को गुनाह-गार न जाम-ओ-सुबू करें
दीवान-ए-हुस्न में से हुइ है ये इंतिख़ाब
आशिक़-मिज़ाज सैर-ए-बयाज़-ए-गुलू करें
विर्द-ए-ज़बाँ है रोज़-ओ-शब इन की सना-ए-हुस्न
शायाँ है जिस क़दर कि ये शाएर ग़ुलू करें
लिख देते हैं हसीनों को हम ख़त्त-ए-बंदगी
मश्क़-ए-सितम को तर्क जो ये तुंद-ख़ू करें
हैरान-कार हूँ तिरे रुख़्सार-ए-साफ़ का
सकता हो आइना जो तिरे रू-ब-रू करें
मुर्ग़-ए-चमन हों ज़मज़मा-पैरा बहार आई
हंगामा गर्म शेफ़्ता-ए-रंग-ओ-बू करें
तासीर-दार लोग हैं अल्लाह के फ़क़ीर
संग-ए-सनम हों आब जो हम ज़िक्र-ए-हू करें
मौजूद गो कि तू है मगर चाहता है शौक़
आवारा हों तलाश तिरी चार सू करें
'आतिश' ये वो ज़मीं है कि जिस में ब-क़ौल-ए-'दर्द'
दिल ही नहीं रहा है जो कुछ आरज़ू करें
is shash-jihat meñ ḳhuub tirī justujū kareñ
kaabe meñ chal ke sajda tujhe chār-sū kareñ
āshiq jo husn-e-pāk meñ kuchh guftugū kareñ
dāman kā pīchhe naam leñ pahle vazū kareñ
sharminda huuñ zamīñ meñ gaḌeñ surḳh-rū kareñ
ustādgī jo sarv tire rū-ba-rū kareñ
paidā kareñ jo tujh ko unhīñ ko hai dastaras
pāmard haiñ vahī jo tirī justujū kareñ
le jā chukī chaman meñ sabā bū-e-zulf-e-yār
sumbul ke silsile ko bhī barham vo mū kareñ
afsāna-goī af.ī-e-gesū-e-yār meñ
ḳhāmosh hoñ charāġh jo ham guftugū kareñ
dīvāngī kā silsila jaave na haath se
dāman ko phāḌiye jo garebāñ rafū kareñ
ai bādshāh-e-husn faqīroñ kī tarah se
āshiq duā-e-ḳhair tujhe kū-ba-kū kareñ
dīdār-e-ām kījiye parda uThā.iye
tā-chand banda-hā-e-ḳhudā aarzū kareñ
mastī meñ mujh se be-adabī hogī yaar se
mujh ko gunāh-gār na jām-o-subū kareñ
dīvān-e-husn meñ se hui hai ye intiḳhāb
āshiq-mizāj sair-e-bayāz-e-gulū kareñ
vird-e-zabāñ hai roz-o-shab in kī sanā-e-husn
shāyāñ hai jis qadar ki ye shā.er ġhulū kareñ
likh dete haiñ hasīnoñ ko ham ḳhatt-e-bandgī
mashq-e-sitam ko tark jo ye tund-ḳhū kareñ
hairān-kār huuñ tire ruḳhsār-e-sāf kā
sakta ho aa.ina jo tire rū-ba-rū kareñ
murġh-e-chaman hoñ zamzama-pairā bahār aa.ī
hañgāma garm shefta-e-rañg-o-bū kareñ
tāsīr-dār log haiñ allāh ke faqīr
sañg-e-sanam hoñ aab jo ham zikr-e-hū kareñ
maujūd go ki tū hai magar chāhtā hai shauq
āvāra hoñ talāsh tirī chaar sū kareñ
'ātish' ye vo zamīñ hai ki jis meñ ba-qaul-e-'dard'
dil hī nahīñ rahā hai jo kuchh aarzū kareñ
اس شش جہت میں خوب تری جستجو کریں
کعبے میں چل کے سجدہ تجھے چار سو کریں
عاشق جو حسن پاک میں کچھ گفتگو کریں
دامن کا پیچھے نام لیں پہلے وضو کریں
شرمندہ ہوں زمیں میں گڑیں سرخ رو کریں
استادگی جو سرو ترے روبرو کریں
پیدا کریں جو تجھ کو انہیں کو ہے دسترس
پامرد ہیں وہی جو تری جستجو کریں
لے جا چکی چمن میں صبا بوئے زلف یار
سنبل کے سلسلے کو بھی برہم وہ مو کریں
افسانہ گوئی افعی گیسوئے یار میں
خاموش ہوں چراغ جو ہم گفتگو کریں
دیوانگی کا سلسلہ جاوے نہ ہاتھ سے
دامن کو پھاڑیے جو گریباں رفو کریں
اے بادشاہ حسن فقیروں کی طرح سے
عاشق دعائے خیر تجھے کو بہ کو کریں
دیدار عام کیجیے پردہ اٹھائیے
تا چند بندہ ہائے خدا آرزو کریں
مستی میں مجھ سے بے ادبی ہوگی یار سے
مجھ کو گناہگار نہ جام و سبو کریں
دیوان حسن میں سے ہوئی ہے یہ انتخاب
عاشق مزاج سیر بیاض گلو کریں
ورد زباں ہے روز و شب ان کی ثنائے حسن
شایاں ہے جس قدر کہ یہ شاعر غلو کریں
لکھ دیتے ہیں حسینوں کو ہم خط بندگی
مشق ستم کو ترک جو یہ تند خو کریں
حیران کار ہوں ترے رخسار صاف کا
سکتہ ہو آئنہ جو ترے روبرو کریں
مرغ چمن ہوں زمزمہ پیرا بہار آئی
ہنگامہ گرم شیفتۂ رنگ و بو کریں
تاثیر دار لوگ ہیں اللہ کے فقیر
سنگ صنم ہوں آب جو ہم ذکر ہو کریں
موجود گو کہ تو ہے مگر چاہتا ہے شوق
آوارہ ہوں تلاش تری چار سو کریں
آتشؔ یہ وہ زمیں ہے کہ جس میں بقول دردؔ
دل ہی نہیں رہا ہے جو کچھ آرزو کریں