इस से पहले कि ज़मीं-ज़ाद शरारत कर जाएँ
हम सितारों ने ये सोचा है कि हिजरत कर जाएँ
दौलत-ए-ख़्वाब हमारे जो किसी काम न आई
अब किसी को नहीं मिलने की वसिय्यत कर जाएँ
दहर से हम यूँही बे-कार चले जाते थे
फिर ये सोचा कि चलो एक मोहब्बत कर जाएँ
इक ज़रा वक़्त मयस्सर हो तो आ कर मिरे दोस्त
दिल में खिलते हुए फूलों को नसीहत कर जाएँ
उन हवा-ख़्वाहों से कहना कि ज़रा शाम ढले
आएँ और बज़्म-ए-चराग़ाँ की सदारत कर जाएँ
दिल की इक एक ख़राबी का सबब जानते हैं
फिर भी मुमकिन है कि हम तुम से मुरव्वत कर जाएँ
शहर के बा'द तो सहरा था मियाँ ख़ैर हुई
दश्त के पार भला क्या है कि वहशत कर जाएँ
रेग-ए-दिल में कई नादीदा परिंदे भी हैं दफ़्न
सोचते होंगे कि दरिया की ज़ियारत कर जाएँ
is se pahle ki zamīñ-zād sharārat kar jaa.eñ
ham sitāroñ ne ye sochā hai ki hijrat kar jaa.eñ
daulat-e-ḳhvāb hamāre jo kisī kaam na aa.ī
ab kisī ko nahīñ milne kī vasiyyat kar jaa.eñ
dahr se ham yūñhī be-kār chale jaate the
phir ye sochā ki chalo ek mohabbat kar jaa.eñ
ik zarā vaqt mayassar ho to aa kar mire dost
dil meñ khilte hue phūloñ ko nasīhat kar jaa.eñ
un havā-ḳhvāhoñ se kahnā ki zarā shaam Dhale
aa.eñ aur bazm-e-charāġhāñ kī sadārat kar jaa.eñ
dil kī ik ek ḳharābī kā sabab jānte haiñ
phir bhī mumkin hai ki ham tum se muravvat kar jaa.eñ
shahr ke ba.ad to sahrā thā miyāñ ḳhair huī
dasht ke paar bhalā kyā hai ki vahshat kar jaa.eñ
reg-e-dil meñ ka.ī nādīda parinde bhī haiñ dafn
sochte hoñge ki dariyā kī ziyārat kar jaa.eñ
اس سے پہلے کہ زمیں زاد شرارت کر جائیں
ہم ستاروں نے یہ سوچا ہے کہ ہجرت کر جائیں
دولت خواب ہمارے جو کسی کام نہ آئی
اب کسی کو نہیں ملنے کی وصیت کر جائیں
دہر سے ہم یوں ہی بیکار چلے جاتے تھے
پھر یہ سوچا کہ چلو ایک محبت کر جائیں
اک ذرا وقت میسر ہو تو آ کر مرے دوست
دل میں کھلتے ہوئے پھولوں کو نصیحت کر جائیں
ان ہوا خواہوں سے کہنا کہ ذرا شام ڈھلے
آئیں اور بزم چراغاں کی صدارت کر جائیں
دل کی اک ایک خرابی کا سبب جانتے ہیں
پھر بھی ممکن ہے کہ ہم تم سے مروت کر جائیں
شہر کے بعد تو صحرا تھا میاں خیر ہوئی
دشت کے پار بھلا کیا ہے کہ وحشت کر جائیں
ریگ دل میں کئی نادیدہ پرندے بھی ہیں دفن
سوچتے ہوں گے کہ دریا کی زیارت کر جائیں