इस रंग में अपने दिल-ए-नादाँ से गिला है
जैसे हमें कुल आलम-ए-इम्काँ से गिला है
किस आँख ने समझा मिरी बे-बाल-ओ-परी से
जो कुछ मुझे दीवार-ए-गुलिस्ताँ से गिला है
आ ख़ंजर-ए-दिलदार मिरे दिल को सुना दे
शायद तुझे कुछ मेरी रग-ए-जाँ से गिला है
छोड़ा है कहाँ साथ मिरे दस्त-ए-जुनूँ का
कम-माएगी-ए-दामन-ए-इम्काँ से गिला है
कहते हैं बस उतनी ही तिरी ताब-ए-यक़ीं थी
है कुफ़्र से शिकवा मिरे ईमाँ से गिला है
इक लफ़्ज़-ए-तसल्ली मिरे हिस्से में न आया
ऐ ज़ौक़-ए-समाअत लब-ए-जानाँ से गिला है
मिल जाती है जाँ क़र्ज़ मगर मय नहीं मिलती
बेगानगी-ए-बादा-फ़रोशाँ से गिला है
ईमान का पिंदार लिए फिरता हूँ हर सू!
ये भी उसी ग़ारत-गर-ए-ईमाँ से गिला है
कैसे दिल-ए-तन्हा ने बनाए हैं मुख़ातब
दीवारों से शिकवा दर-ए-ज़िंदाँ से गिला है
कहते हैं 'सबा' चाँदनी गुलशन की न देखे
उस शख़्स को अरबाब-ए-गुलिस्ताँ से गिला है
is rañg meñ apne dil-e-nādāñ se gila hai
jaise hameñ kul ālam-e-imkāñ se gila hai
kis aañkh ne samjhā mirī be-bāl-o-parī se
jo kuchh mujhe dīvār-e-gulistāñ se gila hai
aa ḳhanjar-e-dildār mire dil ko sunā de
shāyad tujhe kuchh merī rag-e-jāñ se gila hai
chhoḌā hai kahāñ saath mire dast-e-junūñ kā
kam-mā.egī-e-dāman-e-imkāñ se gila hai
kahte haiñ bas utnī hī tirī tāb-e-yaqīñ thī
hai kufr se shikva mire īmāñ se gila hai
ik lafz-e-tasallī mire hisse meñ na aayā
ai zauq-e-samā.at lab-e-jānāñ se gila hai
mil jaatī hai jaañ qarz magar mai nahīñ miltī
begāñgī-e-bāda-faroshāñ se gila hai
īmān kā pindār liye phirtā huuñ har suu!
ye bhī usī ġhārat-gar-e-īmāñ se gila hai
kaise dil-e-tanhā ne banā.e haiñ muḳhātab
dīvāroñ se shikva dar-e-zindāñ se gila hai
kahte haiñ 'sabā' chāñdnī gulshan kī na dekhe
us shaḳhs ko arbāb-e-gulistāñ se gila hai
اس رنگ میں اپنے دل ناداں سے گلہ ہے
جیسے ہمیں کل عالم امکاں سے گلہ ہے
کس آنکھ نے سمجھا مری بے بال و پری سے
جو کچھ مجھے دیوار گلستاں سے گلہ ہے
آ خنجر دل دار مرے دل کو سنا دے
شاید تجھے کچھ میری رگ جاں سے گلہ ہے
چھوڑا ہے کہاں ساتھ مرے دست جنوں کا
کم مائیگیٔ دامن امکاں سے گلہ ہے
کہتے ہیں بس اتنی ہی تری تاب یقیں تھی
ہے کفر سے شکوہ مرے ایماں سے گلہ ہے
اک لفظ تسلی مرے حصے میں نہ آیا
اے ذوق سماعت لب جاناں سے گلہ ہے
مل جاتی ہے جاں قرض مگر مے نہیں ملتی
بیگانگیٔ بادہ فروشاں سے گلہ ہے
ایمان کا پندار لئے پھرتا ہوں ہر سو!
یہ بھی اسی غارت گر ایماں سے گلہ ہے
کیسے دل تنہا نے بنائے ہیں مخاطب
دیواروں سے شکوہ در زنداں سے گلہ ہے
کہتے ہیں صباؔ چاندنی گلشن کی نہ دیکھے
اس شخص کو ارباب گلستاں سے گلہ ہے