इस क़दर नाज़ है क्यूँ आप को यकताई का
दूसरा नाम है वो भी मिरी तन्हाई का
क्या छुपे राज़ इलाही दिल-ए-शैदाई का
अर्सा-ए-हश्र तो बाज़ार है रुस्वाई का
जान ले जाएगा आना शब-ए-तन्हाई का
कौन अब रोकने वाला है मिरी आई का
ख़ूगर-ए-रंज-ओ-बला हश्र के दिन क्या ख़ुश हों
कि वो माल आज हुआ है शब-ए-तन्हाई का
ज़िंदा है नाम शहादत का उसी के दम से
तेरे कुश्ते ने किया काम मसीहाई का
हर गली कूचे में पामाल उसे हो जाना
दिल है या नक़्श-ए-क़दम है किसी हरजाई का
इस अदब से तह-ए-शमशीर तड़पना ऐ दिल
कि गुमाँ तेरी तपिश पर हो शकेबाई का
फ़ित्ने भी क़ाएदे से उठते हैं जब उठते हैं
क्या सलीक़ा है तुम्हें अंजुमन-आराई का
वो ये कहते हैं मिरा सब्र पड़ेगा तुझ पर
अब मुझे रंज नहीं अपनी शकेबाई का
क्या ग़रज़ है मिरी तक़दीर को मुझ से पूछे
आबरू का है तलबगार कि रुस्वाई का
वाँ शब-ए-वा'दा मली पाँव में मेहंदी उस ने
याँ कलेजा कोई मलता है तमन्नाई का
रात भर शम्अ रही हिज्र में वो भी ख़ामोश
मुल्तजी था तिरी तस्वीर से गोयाई का
सर मिरा काट के दहलीज़ पर अपनी रख दो
शौक़ बाक़ी है अभी नासिया-फ़रसाई का
यूँ न मक़्बूल हुआ होगा किसी का सज्दा
बुत को अरमान रहा मेरी जबीं-साई का
हो गया परतव-ए-रुख़्सार से कुछ और ही रंग
मैं ने मुँह चूम लिया उस के तमाशाई का
थम गए जम गए आँखों में लहू के क़तरे
ख़ून ज़ाहिर है मिरे सब्र ओ शकेबाई का
बन गया दाग़-ए-जिगर मेहर-ए-क़यामत ऐ 'दाग़'
पर अभी रंग वही है शब-ए-तन्हाई का
is qadar naaz hai kyuuñ aap ko yaktā.ī kā
dūsrā naam hai vo bhī mirī tanhā.ī kā
kyā chhupe raaz ilāhī dil-e-shaidā.ī kā
arsa-e-hashr to bāzār hai rusvā.ī kā
jaan le jā.egā aanā shab-e-tanhā.ī kā
kaun ab rokne vaalā hai mirī aa.ī kā
ḳhūgar-e-ranj-o-balā hashr ke din kyā ḳhush hoñ
ki vo maal aaj huā hai shab-e-tanhā.ī kā
zinda hai naam shahādat kā usī ke dam se
tere kushte ne kiyā kaam masīhā.ī kā
har galī kūche meñ pāmāl use ho jaanā
dil hai yā naqsh-e-qadam hai kisī harjā.ī kā
is adab se tah-e-shamshīr taḌapnā ai dil
ki gumāñ terī tapish par ho shakebā.ī kā
fitne bhī qā.ede se uThte haiñ jab uThte haiñ
kyā salīqa hai tumheñ anjuman-ārā.ī kā
vo ye kahte haiñ mirā sabr paḌegā tujh par
ab mujhe ranj nahīñ apnī shakebā.ī kā
kyā ġharaz hai mirī taqdīr ko mujh se pūchhe
aabrū kā hai talabgār ki rusvā.ī kā
vaañ shab-e-va.ada malī paañv meñ mehñdī us ne
yaañ kalejā koī maltā hai tamannā.ī kā
raat bhar sham.a rahī hijr meñ vo bhī ḳhāmosh
multajī thā tirī tasvīr se goyā.ī kā
sar mirā kaaT ke dahlīz par apnī rakh do
shauq baaqī hai abhī nāsiya-farsā.ī kā
yuuñ na maqbūl huā hogā kisī kā sajda
but ko armān rahā merī jabīñ-sā.ī kā
ho gayā partav-e-ruḳhsār se kuchh aur hī rañg
maiñ ne muñh chuum liyā us ke tamāshā.ī kā
tham ga.e jam ga.e āñkhoñ meñ lahū ke qatre
ḳhuun zāhir hai mire sabr o shakebā.ī kā
ban gayā dāġh-e-jigar mehr-e-qayāmat ai 'dāġh'
par abhī rañg vahī hai shab-e-tanhā.ī kā
اس قدر ناز ہے کیوں آپ کو یکتائی کا
دوسرا نام ہے وہ بھی مری تنہائی کا
کیا چھپے راز الٰہی دل شیدائی کا
عرصۂ حشر تو بازار ہے رسوائی کا
جان لے جائے گا آنا شب تنہائی کا
کون اب روکنے والا ہے مری آئی کا
خوگر رنج و بلا حشر کے دن کیا خوش ہوں
کہ وہ مال آج ہوا ہے شب تنہائی کا
زندہ ہے نام شہادت کا اسی کے دم سے
تیرے کشتہ نے کیا کام مسیحائی کا
ہر گلی کوچے میں پامال اسے ہو جانا
دل ہے یا نقش قدم ہے کسی ہرجائی کا
اس ادب سے تہہ شمشیر تڑپنا اے دل
کہ گماں تیری تپش پر ہو شکیبائی کا
فتنے بھی قاعدے سے اٹھتے ہیں جب اٹھتے ہیں
کیا سلیقہ ہے تمہیں انجمن آرائی کا
وہ یہ کہتے ہیں مرا صبر پڑے گا تجھ پر
اب مجھے رنج نہیں اپنی شکیبائی کا
کیا غرض ہے مری تقدیر کو مجھ سے پوچھے
آبرو کا ہے طلب گار کہ رسوائی کا
واں شب وعدہ ملی پاؤں میں مہندی اس نے
یاں کلیجا کوئی ملتا ہے تمنائی کا
رات بھر شمع رہی ہجر میں وہ بھی خاموش
ملتجی تھا تری تصویر سے گویائی کا
سر مرا کاٹ کے دہلیز پر اپنی رکھ دو
شوق باقی ہے ابھی ناصیہ فرسائی کا
یوں نہ مقبول ہوا ہوگا کسی کا سجدہ
بت کو ارمان رہا میری جبیں سائی کا
ہو گیا پرتو رخسار سے کچھ اور ہی رنگ
میں نے منہ چوم لیا اس کے تماشائی کا
تھم گئے جم گئے آنکھوں میں لہو کے قطرے
خون ظاہر ہے مرے صبر و شکیبائی کا
بن گیا داغ جگر مہر قیامت اے داغؔ
پر ابھی رنگ وہی ہے شب تنہائی کا