इस नहीं का कोई इलाज नहीं
रोज़ कहते हैं आप आज नहीं
कल जो था आज वो मिज़ाज नहीं
इस तलव्वुन का कुछ इलाज नहीं
आइना देखते ही इतराए
फिर ये क्या है अगर मिज़ाज नहीं
ले के दिल रख लो काम आएगा
गो अभी तुम को एहतियाज नहीं
हो सकें हम मिज़ाज-दाँ क्यूँकर
हम को मिलता तिरा मिज़ाज नहीं
चुप लगी लाल-ए-जाँ-फ़ज़ा को तिरे
इस मसीहा का कुछ इलाज नहीं
दिल-ए-बे-मुद्दआ ख़ुदा ने दिया
अब किसी शय की एहतियाज नहीं
खोटे दामों में ये भी क्या ठहरा
दिरहम-ए-'दाग़' का रिवाज नहीं
बे-नियाज़ी की शान कहती है
बंदगी की कुछ एहतियाज नहीं
दिल-लगी कीजिए रक़ीबों से
इस तरह का मिरा मिज़ाज नहीं
इश्क़ है पादशाह-ए-आलम-गीर
गरचे ज़ाहिर में तख़्त-ओ-ताज नहीं
दर्द-ए-फ़ुर्क़त की गो दवा है विसाल
इस के क़ाबिल भी हर मिज़ाज नहीं
यास ने क्या बुझा दिया दिल को
कि तड़प कैसी इख़्तिलाज नहीं
हम तो सीरत-पसंद आशिक़ हैं
ख़ूब-रू क्या जो ख़ुश-मिज़ाज नहीं
हूर से पूछता हूँ जन्नत में
इस जगह क्या बुतों का राज नहीं
सब्र भी दिल को 'दाग़' दे लेंगे
अभी कुछ इस की एहतियाज नहीं
is nahīñ kā koī ilaaj nahīñ
roz kahte haiñ aap aaj nahīñ
kal jo thā aaj vo mizāj nahīñ
is talavvun kā kuchh ilaaj nahīñ
aa.ina dekhte hī itrā.e
phir ye kyā hai agar mizāj nahīñ
le ke dil rakh lo kaam aa.egā
go abhī tum ko ehtiyāj nahīñ
ho sakeñ ham mizāj-dāñ kyūñkar
ham ko miltā tirā mizāj nahīñ
chup lagī lāl-e-jāñ-fazā ko tire
is masīhā kā kuchh ilaaj nahīñ
dil-e-be-mudda.ā ḳhudā ne diyā
ab kisī shai kī ehtiyāj nahīñ
khoTe dāmoñ meñ ye bhī kyā Thahrā
dirham-e-dāġh kā rivāj nahīñ
be-niyāzī kī shaan kahtī hai
bandagī kī kuchh ehtiyāj nahīñ
dil-lagī kījiye raqīboñ se
is tarah kā mirā mizāj nahīñ
ishq hai pādshāh-e-ālam-gīr
garche zāhir meñ taḳht-o-tāj nahīñ
dard-e-furqat kī go davā hai visāl
is ke qābil bhī har mizāj nahīñ
yaas ne kyā bujhā diyā dil ko
ki taḌap kaisī iḳhtilāj nahīñ
ham to sīrat-pasand āshiq haiñ
ḳhūb-rū kyā jo ḳhush-mizāj nahīñ
huur se pūchhtā huuñ jannat meñ
is jagah kyā butoñ kā raaj nahīñ
sabr bhī dil ko 'dāġh' de leñge
abhī kuchh is kī ehtiyāj nahīñ
اس نہیں کا کوئی علاج نہیں
روز کہتے ہیں آپ آج نہیں
کل جو تھا آج وہ مزاج نہیں
اس تلون کا کچھ علاج نہیں
آئنہ دیکھتے ہی اترائے
پھر یہ کیا ہے اگر مزاج نہیں
لے کے دل رکھ لو کام آئے گا
گو ابھی تم کو احتیاج نہیں
ہو سکیں ہم مزاج داں کیونکر
ہم کو ملتا ترا مزاج نہیں
چپ لگی لعل جاں فزا کو ترے
اس مسیحا کا کچھ علاج نہیں
دل بے مدعا خدا نے دیا
اب کسی شے کی احتیاج نہیں
کھوٹے داموں میں یہ بھی کیا ٹھہرا
درہم داغ کا رواج نہیں
بے نیازی کی شان کہتی ہے
بندگی کی کچھ احتیاج نہیں
دل لگی کیجئے رقیبوں سے
اس طرح کا مرا مزاج نہیں
عشق ہے پادشاہ عالم گیر
گرچہ ظاہر میں تخت و تاج نہیں
درد فرقت کی گو دوا ہے وصال
اس کے قابل بھی ہر مزاج نہیں
یاس نے کیا بجھا دیا دل کو
کہ تڑپ کیسی اختلاج نہیں
ہم تو سیرت پسند عاشق ہیں
خوب رو کیا جو خوش مزاج نہیں
حور سے پوچھتا ہوں جنت میں
اس جگہ کیا بتوں کا راج نہیں
صبر بھی دل کو داغؔ دے لیں گے
ابھی کچھ اس کی احتیاج نہیں