इस के कूचे में मसीहा हर सहर जाता रहा
बे-अजल वाँ एक दो हर रात मर जाता रहा
कू-ए-जानाँ में भी अब इस का पता मिलता नहीं
दिल मिरा घबरा के क्या जाने किधर जाता रहा
जानिब-ए-कोहसार जा निकला जो मैं तो कोहकन
अपना तेशा मेरे सर से मार कर जाता रहा
ने कशिश मा'शूक़ में पाता हूँ नय 'आशिक़ में जज़्ब
क्या बला आई मोहब्बत का असर जाता रहा
वाह-रे अंधेर बहर-ए-रौशनी-ए-शहर-ए-मिस्र
दीदा-ए-याक़ूब से नूर-ए-नज़र जाता रहा
नश्शा ही में या इलाही मय-कशों को मौत दे
क्या गुहर की क़द्र जब आब-ए-गुहर जाता रहा
इक न इक मूनिस की फ़ुर्क़त का फ़लक ने ग़म दिया
दर्द-ए-दिल पैदा हुआ दर्द-ए-जिगर जाता रहा
हुस्न खो कर आश्ना हम से हुआ वो नौनिहाल
पहुँचे तब ज़ेर-ए-शजर हम जब समर जाता रहा
रंज-ए-दुनिया से फ़राग़ ईज़ा-दहिंदों को नहीं
कब तप-ए-शीर उतरी किस दिन दर्द-ए-सर जाता रहा
फ़ातिहा पढ़ने को आए क़ब्र-ए-'आतिश' पर न यार
दो ही दिन में पास-ए-उल्फ़त इस क़दर जाता रहा
is ke kūche meñ masīhā har sahar jaatā rahā
be-ajal vaañ ek do har raat mar jaatā rahā
kū-e-jānāñ meñ bhī ab is kā pata miltā nahīñ
dil mirā ghabrā ke kyā jaane kidhar jaatā rahā
jānib-e-kohsār jā niklā jo maiñ to kohkan
apnā tesha mere sar se maar kar jaatā rahā
ne kashish mā'shūq meñ paatā huuñ nai 'āshiq meñ jazb
kyā balā aa.ī mohabbat kā asar jaatā rahā
vāh-re andher bahr-e-raushnī-e-shahr-e-misr
dīda-e-yāqūb se nūr-e-nazar jaatā rahā
nashsha hī meñ yā ilāhī mai-kashoñ ko maut de
kyā guhar kī qadr jab āb-e-guhar jaatā rahā
ik na ik mūnis kī furqat kā falak ne ġham diyā
dard-e-dil paidā huā dard-e-jigar jaatā rahā
husn kho kar āshnā ham se huā vo naunihāl
pahuñche tab zer-e-shajar ham jab samar jaatā rahā
ranj-e-duniyā se farāġh īzā-dahindoñ ko nahīñ
kab tap-e-shīr utrī kis din dard-e-sar jaatā rahā
fātiha paḌhne ko aa.e qabr-e-'ātish' par na yaar
do hī din meñ pās-e-ulfat is qadar jaatā rahā
اس کے کوچے میں مسیحا ہر سحر جاتا رہا
بے اجل واں ایک دو ہر رات مر جاتا رہا
کوئے جاناں میں بھی اب اس کا پتہ ملتا نہیں
دل مرا گھبرا کے کیا جانے کدھر جاتا رہا
جانب کہسار جا نکلا جو میں تو کوہ کن
اپنا تیشہ میرے سر سے مار کر جاتا رہا
نے کشش معشوق میں پاتا ہوں نے عاشق میں جذب
کیا بلا آئی محبت کا اثر جاتا رہا
واہ رے اندھیر بہر روشنیٔ شہر مصر
دیدۂ یعقوب سے نور نظر جاتا رہا
نشہ ہی میں یا الٰہی میکشوں کو موت دے
کیا گہر کی قدر جب آب گہر جاتا رہا
اک نہ اک مونس کی فرقت کا فلک نے غم دیا
درد دل پیدا ہوا درد جگر جاتا رہا
حسن کھو کر آشنا ہم سے ہوا وہ نونہال
پہنچے تب زیر شجر ہم جب ثمر جاتا رہا
رنج دنیا سے فراغ ایذا دہندوں کو نہیں
کب تپ شیر اتری کس دن درد سر جاتا رہا
فاتحہ پڑھنے کو آئے قبر آتشؔ پر نہ یار
دو ہی دن میں پاس الفت اس قدر جاتا رہا