इंसाफ़ की तराज़ू में तौला अयाँ हुआ
यूसुफ़ से तेरे हुस्न का पल्ला गिराँ हुआ
रू-ए-ज़मीं पे ऐसा मैं बिस्मिल तपाँ हुआ
उड़ कर मिरा लहू शफ़क़-ए-आसमाँ हुआ
उस बर्क़-वश का इश्क़-ए-निहानी अयाँ हुआ
अब्र-ए-सियाह आहों का मेरे धुआँ हुआ
पीरी में मुझ को इश्क़-ए-हसीन-ए-जवाँ हुआ
बार-ए-दिगर कबादे में ज़ोर-ए-कमाँ हुआ
अहल-ए-ज़मीं से साफ़ कहाँ आसमाँ हुआ
किस रोज़ बुर्ज-ए-माह में फ़र्श-ए-कताँ हुआ
मादूम दाग़-ए-इश्क़ का दिल से निशाँ हुआ
अफ़सोस बे-चराग़ हमारा मकाँ हुआ
दो टुकड़े एक वार में ख़ूद-ए-हुबाब है
गिर्दाब-ए-मौज तेग़ को संग-ए-फ़साँ हुआ
देखा जो मैं ने उस को समुंदर की आँख से
गुलज़ार आग हो गई सुम्बुल धुआँ हुआ
मिलता नहीं दिमाग़ ही गेसू-ए-यार का
कुछ इन दिनों में मुश्क का सौदागराँ हुआ
ख़ुश-चश्मों के फ़िराक़ में खाए ये पेच-ओ-ताब
शाख़-ए-ग़ज़ाल अपना हर इक उस्तुख़्वाँ हुआ
सख़्ती-ए-राह-ए-इश्क़ से वाक़िफ़ हुए न पाँव
जोश-ए-जुनूँ मिरे लिए तख़्त-ए-रवाँ हुआ
अम्बोह-ए-आशिक़ाँ से हुआ हुस्न को ग़ुरूर
कसरत से मुश्तरी की ये सौदागराँ हुआ
पैवंद-ए-ख़ाक हो गए इक बुत की राह में
पत्थर हमारी क़ब्र का संग-ए-निशाँ हुआ
फेंका गया न पीर-ए-फ़लक न'अल की तरह
कोई न तिफ़्ल-ए-अश्क हमारा जवाँ हुआ
तू देखने गया लब-ए-दरिया जो चाँदनी
इस्तादा तुझ को देख के आब-ए-रवाँ हुआ
इंसाँ को चाहिए कि न हो नागवार-तब्अ
समझे सुबुक उसे जो किसी पर गिराँ हुआ
उस गुल से अर्ज़-ए-हाल की हसरत ही रह गई
काँटे पड़े ज़बाँ में जो मैल-ए-बयाँ हुआ
अल्लाह के करम से बुतों को किया मुतीअ
ज़ेर-ए-नगीं क़लम-रौ-ए-हिन्दोस्ताँ हुआ
इंसाफ़ मैं ने आलम-ए-असबाब में किया
बनवाई चाँदनी जो मयस्सर कताँ हुआ
गर्दिश ने उस की सुर्मा किए अपने उस्तुख़्वाँ
चक्की हमारे पीसने को आसमाँ हुआ
क़ातिल की तेग़ से रह-ए-मुल्क-ए-अदम मिली
आहन हमारे वास्ते संग-ए-निशाँ हुआ
फ़िक्र-ए-बुलंद ने मिरी ऐसा किया बुलंद
'आतिश' ज़मीन-ए-शेर से पस्त आसमाँ हुआ
insāf kī tarāzū meñ taulā ayaañ huā
yūsuf se tere husn kā palla girāñ huā
rū-e-zamīñ pe aisā maiñ bismil tapāñ huā
uḌ kar mirā lahū shafaq-e-āsmāñ huā
us barq-vash kā ishq-e-nihānī ayaañ huā
abr-e-siyāh aahoñ kā mere dhuāñ huā
piirī meñ mujh ko ishq-e-hasīn-e-javāñ huā
bār-e-digar kabāde meñ zor-e-kamāñ huā
ahl-e-zamīñ se saaf kahāñ āsmāñ huā
kis roz burj-e-māh meñ farsh-e-katāñ huā
ma.adūm dāġh-e-ishq kā dil se nishāñ huā
afsos be-charāġh hamārā makāñ huā
do TukḌe ek vaar meñ ḳhūd-e-hubāb hai
girdāb-e-mauj teġh ko sañg-e-fasāñ huā
dekhā jo maiñ ne us ko samundar kī aañkh se
gulzār aag ho ga.ī sumbul dhuāñ huā
miltā nahīñ dimāġh hī gesū-e-yār kā
kuchh in dinoñ meñ mushk kā saudāgarāñ huā
ḳhush-chashmoñ ke firāq meñ khaa.e ye pech-o-tāb
shāḳh-e-ġhazāl apnā har ik ustuḳhāñ huā
saḳhtī-e-rāh-e-ishq se vāqif hue na paañv
josh-e-junūñ mire liye taḳht-e-ravāñ huā
amboh-e-āshiqāñ se huā husn ko ġhurūr
kasrat se mushtarī kī ye saudāgrāñ huā
paivand-e-ḳhāk ho ga.e ik but kī raah meñ
patthar hamārī qabr kā sañg-e-nishāñ huā
pheñkā gayā na pīr-e-falak na.al kī tarah
koī na tifl-e-ashk hamārā javāñ huā
tū dekhne gayā lab-e-dariyā jo chāñdnī
istāda tujh ko dekh ke āb-e-ravāñ huā
insāñ ko chāhiye ki na ho nāgavār-tab.a
samjhe subuk use jo kisī par girāñ huā
us gul se arz-e-hāl kī hasrat hī rah ga.ī
kāñTe paḌe zabāñ meñ jo mail-e-bayāñ huā
allāh ke karam se butoñ ko kiyā mutī.a
zer-e-nagīñ qalam-rav-e-hindostāñ huā
insāf maiñ ne ālam-e-asbāb meñ kiyā
banvā.ī chāñdnī jo mayassar katāñ huā
gardish ne us kī surma kiye apne ustuḳhāñ
chakkī hamāre pīsne ko āsmāñ huā
qātil kī teġh se rah-e-mulk-e-adam milī
aahan hamāre vāste sañg-e-nishāñ huā
fikr-e-buland ne mirī aisā kiyā buland
'ātish' zamīn-e-sher se past āsmāñ huā
انصاف کی ترازو میں تولا عیاں ہوا
یوسف سے تیرے حسن کا پلہ گراں ہوا
روئے زمیں پہ ایسا میں بسمل تپاں ہوا
اڑ کر مرا لہو شفق آسماں ہوا
اس برق وش کا عشق نہانی عیاں ہوا
ابر سیاہ آہوں کا میرے دھواں ہوا
پیری میں مجھ کو عشق حسین جواں ہوا
بار دگر کبادے میں زور کماں ہوا
اہل زمیں سے صاف کہاں آسماں ہوا
کس روز برج ماہ میں فرش کتاں ہوا
معدوم داغ عشق کا دل سے نشاں ہوا
افسوس بے چراغ ہمارا مکاں ہوا
دو ٹکڑے ایک وار میں خود حباب ہے
گرداب موج تیغ کو سنگ فساں ہوا
دیکھا جو میں نے اس کو سمندر کی آنکھ سے
گل زار آگ ہو گئی سنبل دھواں ہوا
ملتا نہیں دماغ ہی گیسوئے یار کا
کچھ ان دنوں میں مشک کا سوداگراں ہوا
خوش چشموں کے فراق میں کھائے یہ پیچ و تاب
شاخ غزال اپنا ہر اک استخواں ہوا
سختیٔ راہ عشق سے واقف ہوئے نہ پاؤں
جوش جنوں مرے لیے تخت رواں ہوا
انبوہ عاشقاں سے ہوا حسن کو غرور
کثرت سے مشتری کی یہ سوداگراں ہوا
پیوند خاک ہو گئے اک بت کی راہ میں
پتھر ہماری قبر کا سنگ نشاں ہوا
پھینکا گیا نہ پیر فلک نعل کی طرح
کوئی نہ طفل اشک ہمارا جواں ہوا
تو دیکھنے گیا لب دریا جو چاندنی
استادہ تجھ کو دیکھ کے آب رواں ہوا
انساں کو چاہئے کہ نہ ہو ناگوار طبع
سمجھے سبک اسے جو کسی پر گراں ہوا
اس گل سے عرض حال کی حسرت ہی رہ گئی
کانٹے پڑے زباں میں جو میل بیاں ہوا
اللہ کے کرم سے بتوں کو کیا مطیع
زیر نگیں قلمرو ہندوستاں ہوا
انصاف میں نے عالم اسباب میں کیا
بنوائی چاندنی جو میسر کتاں ہوا
گردش نے اس کی سرمہ کئے اپنے استخواں
چکی ہمارے پیسنے کو آسماں ہوا
قاتل کی تیغ سے رہ ملک عدم ملی
آہن ہمارے واسطے سنگ نشاں ہوا
فکر بلند نے مری ایسا کیا بلند
آتشؔ زمین شعر سے پست آسماں ہوا