ईमाँ के साथ ख़ामी-ए-ईमाँ भी चाहिए
अज़्म-ए-सफ़र किया है तो सामाँ भी चाहिए
कुछ अस्ल तो खुले कहीं इस ज़ोर-ओ-शोर की
दरिया के रास्ते में बयाबाँ भी चाहिए
भड़का तो है बदन में लहू का गुलाब सा
मुश्किल है ये कि तंगी-ए-दामाँ भी चाहिए
उस के नई क़मीस के तोहफ़े का शुक्रिया
लेकिन यहाँ तो पैरहन-ए-जाँ भी चाहिए
इस तीरगी में परतव-ए-महताब-ए-रुख़ के साथ
कुछ अक्स-ए-आफ़्ताब-ए-गरेबाँ भी चाहिए
मुश्किल-पसंद ही सही मैं वस्ल में मगर
अब के ये मरहला मुझे आसाँ भी चाहिए
कुछ उस तरफ़ भी जोश-ए-जफ़ा है नया नया
कुछ ज़ुल्म अपनी शान के शायाँ भी चाहिए
डरते भी रहिए उस से कि इस में भी है मज़ा
लेकिन कभी कभी ज़रा शूँ-शाँ भी चाहिए
मश्शातागी-ए-मअ'ना बहुत हो चुकी 'ज़फ़र'
कुछ रोज़ अब ये ज़ुल्फ़ परेशाँ भी चाहिए
īmāñ ke saath ḳhāmi-e-īmāñ bhī chāhiye
azm-e-safar kiyā hai to sāmāñ bhī chāhiye
kuchh asl to khule kahīñ is zor-o-shor kī
dariyā ke rāste meñ bayābāñ bhī chāhiye
bhaḌkā to hai badan meñ lahū kā gulāb sā
mushkil hai ye ki tañgī-e-dāmāñ bhī chāhiye
us ke na.ī qamīs ke tohfe kā shukriya
lekin yahāñ to pairahan-e-jāñ bhī chāhiye
is tīrgī meñ partav-e-mahtāb-e-ruḳh ke saath
kuchh aks-e-āftāb-e-garebāñ bhī chāhiye
mushkil-pasand hī sahī maiñ vasl meñ magar
ab ke ye marhala mujhe āsāñ bhī chāhiye
kuchh us taraf bhī josh-e-jafā hai nayā nayā
kuchh zulm apnī shaan ke shāyāñ bhī chāhiye
Darte bhī rahiye us se ki is meñ bhī hai mazā
lekin kabhī kabhī zarā shūñ-shāñ bhī chāhiye
mashshātagi-e-ma.anā bahut ho chukī 'zafar'
kuchh roz ab ye zulf pareshāñ bhī chāhiye
ایماں کے ساتھ خامی ایماں بھی چاہئے
عزم سفر کیا ہے تو ساماں بھی چاہئے
کچھ اصل تو کھلے کہیں اس زور و شور کی
دریا کے راستے میں بیاباں بھی چاہئے
بھڑکا تو ہے بدن میں لہو کا گلاب سا
مشکل ہے یہ کہ تنگئ داماں بھی چاہئے
اس کے نئی قمیص کے تحفے کا شکریہ
لیکن یہاں تو پیرہن جاں بھی چاہئے
اس تیرگی میں پرتو مہتاب رخ کے ساتھ
کچھ عکس آفتاب گریباں بھی چاہئے
مشکل پسند ہی سہی میں وصل میں مگر
اب کے یہ مرحلہ مجھے آساں بھی چاہئے
کچھ اس طرف بھی جوش جفا ہے نیا نیا
کچھ ظلم اپنی شان کے شایاں بھی چاہئے
ڈرتے بھی رہیے اس سے کہ اس میں بھی ہے مزا
لیکن کبھی کبھی ذرا شوں شاں بھی چاہئے
مشاطگی معنی بہت ہو چکی ظفرؔ
کچھ روز اب یہ زلف پریشاں بھی چاہئے